5-6 აპრილს რუსულ პლატფორმაზე dzen.ru, ასევე ფეისბუკის რუსულენოვან ანგარიშებზე (1, 2) ფრანგული სატირული ჟურნალის “შარლი ებდოს” სპეციალური ნომრის გარეკანი გამოქვეყნდა. მასზე უკრაინის პრეზიდენტი – ვოლოდიმირ ზელენსკი, რუსეთის პრეზიდენტი – ვლადიმირ პუტინი და იესო ქრისტე არიან გამოსახული. პოსტის აღწერების მიხედვით, ზელენსკის მიერ “ეკლესიების დევნამ” იესო ქრისტეც კი გააბრაზა. პუტინი მას ამშვიდებს და ეუბნება: “საჭირო არ არის! თვითონ გავერკვევით!” კარიკატურაზე გამოშვების თარიღად 5 აპრილია დატანილი.
“შარლი ებდოს” გარეკანის ფოტო გაყალბებულია. ფრანგული სატირული ჟურნალის მიერ 5 აპრილს გამოშვებული გარეკანი გავრცელებულ ვერსიებს არ ემთხვევა და მსგავსი კარიკატურები არც “შარლი ებდოს” სპეციალური ნომრების ყდებზე არ გვხვდება.
“შარლი ებდოს” გავრცელებულ გარეკანზე სერიის ნომერი (№1603) არის მითითებული, გამოშვების თარიღად კი 5 აპრილია დატანილი. გამოცემის ოფიციალური ვებ-გვერდის მიხედვით, 5 აპრილს ჟურნალი სერიული ნომრით – №1602 გამოვიდა და მას განსხვავებული დიზაინი აქვს. მასზე საფრანგეთის პრეზიდენტი – ემანუელ მაკრონია გამოსახული და გარეკანი საფრანგეთში ახალი საპენსიო რეფორმით გამოწვეულ პროტესტის თემას ეხმიანება.
ზელენსკის, პუტინის და იესო ქრისტეს გამოსახულებით და მსგავსი შინაარსით გარეკანი “შარლი ებდოს” არც სხვა ძველ ნომრებში გვხვდება, მათ შორის არც სპეციალურ გამოცემებზე.
აღსანიშნავია, რომ კრემლის პროპაგანდა აქტიურად ავრცელებს გზავნილებს, თითქოს უკრაინის ხელისუფლება უკრაინაში მართლმადიდებელ ეკლესიას ებრძვის. სავარაუდოდ, აღნიშნული კარიკატურაც სწორედ ამ საკითხის საილუსტრაციოდ გაყალბდა. ეს საკითხი მას შემდეგ გააქტიურდა, რაც დეკემბერში ცნობილი გახდა, რომ მოსკოვის საპატრიარქოს დაქვემდებარებულ უკრაინული მართლმადიდებელ ეკლესიას იჯარით დაკავებულ ტაძრებს ჩამოართმევდნენ. ამას წინ უძღოდა ჩხრეკის პროცესი კიევსა და სხვა რეგიონებში. მოსკოვის საპატრიარქოს დაქვემდებარებულ სასულიერო პირებს ეკლესიებში „რუსული სამყაროს“ პროპაგანდაში სდებდნენ ბრალს. აღნიშნულ პროცესთან დაკავშირებით ვრცელდებოდა პროპაგანდისტული გზავნილები, თითქოს უკრაინა მართლმადიდებლობას ებრძვის. ამ თემაზე იხილეთ “მითების დეტექტორის” მასალები:
- რა მანიპულაციური გზავნილები ვრცელდება კიევ-პეჩერის ლავრასთან დაკავშირებით?
- კიევ-პეჩერის ლავრის ჯვრების გაშავებაზე კრემლის მედია კონსპირაციას ავრცელებს
- სად არის გადაღებული და რას უკავშირდება ფრინველების გუნდის ვიდეო?
- რას ებრძვის უკრაინის მთავრობა – მართლმადიდებლობას თუ რუსულ გავლენას ეკლესიაში?
- ვიდეომანიპულაცია, თითქოს უკრაინაში მართლმადიდებლური ტაძარი დაწვეს
ცნობილი გამოცემების გარეკანების გაყალბება კრემლის პროპაგანდის ერთ-ერთი გავრცელებული მეთოდია. “მითების დეტექტორმა” რუსეთ-უკრაინის ომის პერიოდში სხვადასხვა გამოცემის არაერთი გაყალბებული გარეკანი გადაამოწმა. ვრცლად, იხილეთ მასალებში:
- COURRIER INTERNATIONAL-ის სახელით ზელენსკიზე მორიგი გაყალბებული კარიკატურა ვრცელდება
- В ФЕЙСБУКЕ РАСПРОСТРАНЯЕТСЯ ПОДДЕЛЬНАЯ ОБЛОЖКА ЖУРНАЛА «ШАРЛИ ЭБДО»
- უკრაინაზე “შარლი ებდოს” გარეკანის გაყალბებული კარიკატურები ვრცელდება
- პოლონეთში ჩამოვარდნილ რაკეტაზე “შარლი ებდოს” სახელით გაყალბებული კარიკატურა ვრცელდება
- ზელენსკისა და სუნაკის კარიკატურები ინდურ ჟურნალ ANANDA VIKATAN-ს არ ეკუთვნის
- დაიბეჭდა თუ არა TIME-ის გარეკანზე ვოლოდიმირ ზელენსკის სახელი და გვარი აკრძალული სიმბოლოების V-სა და Z-ს გარეშე?
- ეკუთვნის თუ არა გავრცელებული კარიკატურა ესპანურ სატირულ ჟურნალს EL JUEVES-ს?
- В ФЕЙСБУКЕ ОТ ИМЕНИ «ШАРЛИ ЭБДО» РАСПРОСТРАНЯЕТСЯ ФЕЙКОВАЯ КАРИКАТУРА ОБ УКРАИНЕ
წყაროების შესახებ:
რუსულენოვანი ანგარიში Злой Ёжик ანტიუკრაინული და ანტიდასავლური შინაარსის პოსტებს, მათ შორის მცდარ ინფორმაციას ხშირად აქვეყნებს. ეს ანგარიში “მითების დეტექტორის” მასალებში არაერთხელ მოხვედრილა.
სტატია Facebook-ის ფაქტების გადამოწმების პროგრამის
იხ. მასალის შესწორების დეტალური ინსტრუქცია.
იხ. გასაჩივრების დეტალური ინსტრუქცია.
