27 თებერვალს სოციალურ ქსელში კიევში რუსული საჰაერო დესანტის გადმოსხმის შესახებ ინფორმაცია ფართოდ გავრცელდა. ფეისბუკ გვერდები დანტესი, იურისპრუდენცია და მედია საშუალებები News Agency – DailyInfo.Ge,TIA.GE, რუსთავი 2 წერდნენ, რომ ოკუპანტების საჰაერო დესანტი კიევში პარაშუტებით ეშვებოდა.
ინფორმაცია კიევში საჰაერო დესანტის გადმოსხმის შესახებ მცდარია. უკრაინის შინაგან საქმეთა მინისტრის მრჩეველმა ანტონ გერაშენკომ გავრცელებულ ინფორმაციას ყალბი უწოდა.
27 თებერვალის ღამეს უკრაინულ და რუსულ ტელეგრამ არხებში გავრცელდა ინფორმაცია, რომ კიევის მახლობლად, სოფიევსკაია ბორშაგოვკაზე რუსული საჰაერო დესანტი ეშვებოდა. რამდენიმე წუთში იმავე ტელეგრამ არხში (Украина Online Новости Война) დაიწერა, რომ დესანტის შესახებ გავრცელებული ინფორმაცია გადამოწმებული არ იყო და ერთ-ერთი ვერსიით, ფოტოზე უკრაინის საჰაერო თავდაცვის მიერ დატოვებული კვალი ჩანდა.
გავრცელებულ ფოტოსა და ინფორმაციას თავის ტელეგრამ არხში (Pravda Gerashchenko) მყისიერად გამოეხმაურა უკრაინის შინაგან საქმეთა მინისტრის მრჩეველი, ანტონ გერაშენკო და ტყუილი უწოდა:
ანტონ გერაშენკო, უკრაინის შინაგან საქმეთა მინისტრის მრჩეველი: “მოკლედ, სოფიევსკაია ბორშაგოვკაზე საჰაერო დესანტის დასხდომის შესახებ ინფორმაცია ფეიკია, თანაც ძალიან იაფფასიანი და ცუდად დახატული.”
რამდენიმე წუთში, ტელეგრამ არხში УНИАН – новости Украины უკრაინელი პოლიტიკოსის, ევგენი კარასის გამოხმაურებაც გამოჩნდა, რომელმაც განაცხადა, რომ ცაში გაჩენილი სილუეტები საზენიტო დანადგარების კვალი იყო.
რუსეთ-უკრაინის ომის მიმდინარეობისას სოციალურ ქსელში არაერთი დეზინფორმაცია გავრცელდა. ვრცლად იხილეთ “მითების დეტექტორის” მასალები:
- ბექა ვარდოსანიძე რუსული ტანკის მიერ ავტომობილზე გადავლას უკრაინას აბრალებს
- ინფორმაცია, ხარკოვში სომხეთის შეიარაღებული ძალების ჯარისკაცის ტყვედ ჩავარდნის შესახებ, ყალბია
- “ალტინფო” ნიკოლაევში რუსი სამხედროების შესვლის შესახებ დეზინფორმაციას ავრცელებს
- მაიდანი 2014 წელს თუ კიევი 2022 წელს? – რას ასახავს ვიდეო?
- ალტ-ინფო რუსეთ-უკრაინის ომზე საუბრისას ჩინეთში ქიმიური ნივთიერებების საწყობის აფეთქების კადრებს ავრცელებს
- ვიდეო არა რუსეთ-უკრაინის ომს, არამედ 2016 წლის რუსი პარაშუტისტების კადრებს ასახავს
- 2020 წლის რუსული აღლუმის ფოტოს უკრაინაზე თავდასხმის საილუსტრაციოდ ავრცელებენ
- 2014 წლის ფოტო 2022 წლის ომის დროს ხარკოვის აღების ილუსტრაციად გამოიყენება
- მარიუპოლის დაბომბვის შესახებ ვიდეო ყალბი აღწერით ვრცელდება
- კარდჰუ” რუსული ტანკების კიევთან გამოჩენის საილუსტრაციოდ დონეცკში გადაღებულ ფოტოს ავრცელებს
- უკრაინა თუ სირია? – რას ასახავს სოციალურ ქსელში გავრცელებული ვიდეო
სტატია Facebook-ის ფაქტების გადამოწმების პროგრამის ფარგლებში მომზადდა. მასალებზე, რომელიც ამ სტატიის საფუძველზე Facebook-მა შესაძლოა, სხვადასხვა შეზღუდვა აამოქმედოს. შესაბამისი ინფორმაცია იხილეთ ამ ბმულზე. ჩვენი შეფასების გასაჩივრების და შესწორების შესახებ ინფორმაცია ხელმისაწვდომია ამ ბმულზე.
იხ. მასალის შესწორების დეტალური ინსტრუქცია.
იხ. გასაჩივრების დეტალური ინსტრუქცია.