26 თებერვალს სოციალურ ქსელში ფართოდ გავრცელდა ვიდეო, სადაც საღამოს ქალაქის ქუჩებში ტანკის გადაადგილება და ე.წ. “მოლოტოვის კოქტეილებით” მასზე თავდასხმა ჩანს. ვიდეო მომხმარებლებმა Greg Ksiazek, Berdia Kalandia, Ієромонах Нектарій Мчедлідзе, პოლიტიკოსმა გიორგი ბარამიძემ და ტელეკომპანია TV25-მა გაავრცელეს. Greg Ksiazek-ის მიხედვით, ვიდეო კიევის მისადგომებთანაა გადაღებული. Berdia Kalandia-ს, TV25-ისა და გიორგი ბარამიძის აღწერებში მოვლენის გადაღების ადგილი მითითებული არ არის, თუმცა ნათქვამია, რომ უკრაინელები რუსულ ტანკებს ასე იგერიებენ.
ვიდეო არასწორი აღწერით ვრცელდება. რეალურად, კადრები არა 2022 წელს, არამედ 2014 წელს მაიდანის მოვლენების დროსაა გადაღებული.
ვიდეო რეალურად 2014 წელსაა გადაღებული და კიევში მაიდანის მოვლენებს ასახავს.
იგივე კადრები არასწორი აღწერით 2022 წლის იანვარში ყახაზეთში მიმდინარე მასშტაბური საპროტესტო აქციების დროსაც ვრცელდებოდა.
კადრებს ალმათში შექმნილ ვითარებას მიაწერდნენ. მაშინ ინფორმაცია ყაზახურმა გამოცემა kyzylorda-news.kz-მ გადაამოწმა.
რუსეთ-უკრაინის ომის შესახებ საქართველოში ყალბი აღწერით გავრცელებული სხვა კადრებზე ვრცლად იხილეთ “მითების დეტექტორის” მასალები:
- ალტ-ინფო რუსეთ-უკრაინის ომზე საუბრისას ჩინეთში ქიმიური ნივთიერებების საწყობის აფეთქების კადრებს ავრცელებს
- უკრაინა თუ სირია? – რას ასახავს სოციალურ ქსელში გავრცელებული ვიდეო
- ვიდეო არა რუსეთ-უკრაინის ომს, არამედ 2016 წლის რუსი პარაშუტისტების კადრებს ასახავს
- 2020 წლის რუსული აღლუმის ფოტოს უკრაინაზე თავდასხმის საილუსტრაციოდ ავრცელებენ
- 2014 წლის ფოტო 2022 წლის ომის დროს ხარკოვის აღების ილუსტრაციად გამოიყენება
- მარიუპოლის დაბომბვის შესახებ ვიდეო ყალბი აღწერით ვრცელდება
- “კარდჰუ” რუსული ტანკების კიევთან გამოჩენის საილუსტრაციოდ დონეცკში გადაღებულ ფოტოს ავრცელებს
სტატია Facebook-ის ფაქტების გადამოწმების პროგრამის ფარგლებში მომზადდა. მასალებზე, რომელიც ამ სტატიის საფუძველზე Facebook-მა შესაძლოა, სხვადასხვა შეზღუდვა აამოქმედოს. შესაბამისი ინფორმაცია იხილეთ ამ ბმულზე. ჩვენი შეფასების გასაჩივრების და შესწორების შესახებ ინფორმაცია ხელმისაწვდომია ამ ბმულზე.
იხ. მასალის შესწორების დეტალური ინსტრუქცია.
იხ. გასაჩივრების დეტალური ინსტრუქცია.
