24 თებერვალს ფეისბუქ მომხმარებელმა Shota Apkhaidze-მ უკრაინის ქალაქი მარიუპოლის მასობრივად დაბომბვის შესახებ პოსტი გამოაქვეყნა. გავრცელებულ ვიდეოში აფეთქების ხმა ისმის. აღწერის მიხედვით, ქალაქი მარიუპოლი მასირებულად იბომბება.
ვიდეო ყალბი აღწერით ვრცელდება. რეალურად, ვიდეო 29 იანვარს გამოქვეყნდა და აღწერის მიხედვით, არა მარიუპოლის მასშტაბურ დაბომბვას, არამედ ელექტროსადგურზე მეხის დაცემას ასახავს.
ვიდეო პირველად 2022 წლის 29 იანვარს Tik-Tok-ის მომხმარებელმა @kiryshkkanew-მ გაავრცელა. ვიდეოს თავდაპირველი აღწერის მიხედვით, კადრებში ელექტროსადგურზე მეხის დაცემაა ასახული. მართლაც, ვიდეოში ჯერ ხმა ისმის, შემდეგ მასშტაბური ელვა ჩანს, შემდეგ კი ნათებას ვხედავთ, რაც სავარაუდოდ, შენობის აფეთქებაზე მიანიშნებს.
Tik-Tok-ის აღნიშნული ანგარიში სხვადასხვა აფეთქების ამსახველ ვიდეოებს ხშირად აქვეყნებს.
ყალბი აღწერის მქონე ვიდეო თურქმა ფაქტების ანალიტიკოსებმაც გადაამოწმეს.
აღსანიშნავია, რომ რუსეთმა უკრაინაზე ფართომასშტაბიანი თავდასხმის დაწყების შემდეგ ქალაქი მარიუპოლიც დაბომბა.
24 თებერვალს საქართველოში ყალბი აღწერით გავრცელებული სხვა კადრების შესახებ ვრცლად იხილეთ “მითების დეტექტორის” მასალები:
- ალტ-ინფო რუსეთ-უკრაინის ომზე საუბრისას ჩინეთში ქიმიური ნივთიერებების საწყობის აფეთქების კადრებს ავრცელებს
- ვიდეო არა რუსეთ-უკრაინის ომს, არამედ 2016 წლის რუსი პარაშუტისტების კადრებს ასახავს
- 2020 წლის რუსული აღლუმის ფოტოს უკრაინაზე თავდასხმის საილუსტრაციოდ ავრცელებენ
- 2014 წლის ფოტო 2022 წლის ომის დროს ხარკოვის აღების ილუსტრაციად გამოიყენება
სტატია Facebook-ის ფაქტების გადამოწმების პროგრამის ფარგლებში მომზადდა. მასალებზე, რომელიც ამ სტატიის საფუძველზე Facebook-მა შესაძლოა, სხვადასხვა შეზღუდვა აამოქმედოს. შესაბამისი ინფორმაცია იხილეთ ამ ბმულზე. ჩვენი შეფასების გასაჩივრების და შესწორების შესახებ ინფორმაცია ხელმისაწვდომია ამ ბმულზე.
იხ. მასალის შესწორების დეტალური ინსტრუქცია.
იხ. გასაჩივრების დეტალური ინსტრუქცია.