უკრაინაში რუსეთის სამხედრო ძალების სრულმასშტაბიანი შეჭრის დაწყების შემდეგ კრემლისტურმა მედია ალტ-ინფომ საგანგებო ეთერი დაიწყო, რომელსაც ფონად საბრძოლო მოქმედებების და აფეთქებების ამსახველი კადრები გასდევს. ერთ-ერთ ვიდეოში ისმის ინგლისური საუბარი: “მგონი ბენზინგასამართი სადგური აფეთქდა”. აღნიშნული კადრები გადაცემის განმავლობაში რამდენჯერმე გაიმეორეს.
ალტ-ინფოს ეთერში გასული ეს კადრები არა უკრაინაში რუსეთის მიერ განხორციელებულ დაბომბვას, არამედ 2015 წლის აგვისტოში ჩინეთში ქიმიური ნივთიერებების საწყობში მომხდარ აფეთქებას ასახავს.
რეალურად, აღნიშნული კადრები უკრაინაში არ არის გადაღებული. ის 2015 წელს ჩინეთის ქალაქ ტიანჯინში საწყობის აფეთქებას ასახავს, სადაც ტოქსიკური ქიმიური ნივთიერებები და გაზი ინახებოდა. აფეთქებას 55 ადამიანის სიცოცხლე ემსხვერპლა. ვიდეოში ისმის ქალის და მამაკაცის ხმა. ვიდეოს ტექტი, რომელშიც მამაკაცი ამბობს, რომ სავარაუდოდ, ბენზინგასამართი სადგური აფეთქდა, ალტ-ინფოს ეთერშიც ისმის.
სტატია Facebook-ის ფაქტების გადამოწმების პროგრამის ფარგლებში მომზადდა. მასალებზე, რომელიც ამ სტატიის საფუძველზე Facebook-მა შესაძლოა, სხვადასხვა შეზღუდვა აამოქმედოს. შესაბამისი ინფორმაცია იხილეთ ამ ბმულზე. ჩვენი შეფასების გასაჩივრების და შესწორების შესახებ ინფორმაცია ხელმისაწვდომია ამ ბმულზე.
იხ. მასალის შესწორების დეტალური ინსტრუქცია.
იხ. გასაჩივრების დეტალური ინსტრუქცია.
