24 თებერვალს ონლაინ გამოცემა კომერსანტის ფეისბუქ გვერდზე გამოქვეყნდა ვიდეო, რომეიც დაბომბვის კადრებს ასახავს. პოსტის მიხედვით, ვიდეო დონბასში უკრაინული ბაირაქტარების მიერ რუსული ტანკების დაბომბვას ასახავს.
ვიდეოს აღწერა სიმართლეს არ შეესაბამება. რეალურად, კადრები 2020 წელს გავრცელდა და არა უკრაინას, არამედ სირიაში თურქეთის მიერ განხორციელებულ სამხედრო ოპერაციას ასახავს.
კადრები, რომელიც პოსტს თან ახლავს, ჯერ კიდევ 2020 წლის მარტიდან ვრცელდება. 3 მარტს აღნიშნული ვიდეო არაბულენოვანი აღწერით გვერდზე Clash Report გამოქვეყნდა. აღწერის მიხედვით ის სირიის იდლიბის პროვინციაში თურქეთის მიერ ბაირაქტარის დრონებით განხორციელებულ თავდასხმას ასახავს.
ვიდეო ყალბი აღწერით, თითქოს ის რუსეთ-უკრაინის მიმდინარე ომს ასახავს არაბულენოვან წყაროებშიც გავრცელდა, რაც სირიულმა ფაქტების გადამმოწმებელმა პლატფორმამ Verify-sy შეისწავლა და დაადგინა, რომ ვიდეო სირიაში 2020 წელს განვითარებულ მოვლენების ილუსტრაციაა.
რუსეთ-უკრაინის ომის შესახებ საქართველოში ყალბი აღწერით გავრცელებული სხვა კადრებზე ვრცლად იხილეთ “მითების დეტექტორის” მასალები:
- ალტ-ინფო რუსეთ-უკრაინის ომზე საუბრისას ჩინეთში ქიმიური ნივთიერებების საწყობის აფეთქების კადრებს ავრცელებს
- ვიდეო არა რუსეთ-უკრაინის ომს, არამედ 2016 წლის რუსი პარაშუტისტების კადრებს ასახავს
- 2020 წლის რუსული აღლუმის ფოტოს უკრაინაზე თავდასხმის საილუსტრაციოდ ავრცელებენ
- 2014 წლის ფოტო 2022 წლის ომის დროს ხარკოვის აღების ილუსტრაციად გამოიყენება
- მარიუპოლის დაბომბვის შესახებ ვიდეო ყალბი აღწერით ვრცელდება
- “კარდჰუ” რუსული ტანკების კიევთან გამოჩენის საილუსტრაციოდ დონეცკში გადაღებულ ფოტოს ავრცელებს
სტატია Facebook-ის ფაქტების გადამოწმების პროგრამის ფარგლებში მომზადდა. მასალებზე, რომელიც ამ სტატიის საფუძველზე Facebook-მა შესაძლოა, სხვადასხვა შეზღუდვა აამოქმედოს. შესაბამისი ინფორმაცია იხილეთ ამ ბმულზე. ჩვენი შეფასების გასაჩივრების და შესწორების შესახებ ინფორმაცია ხელმისაწვდომია ამ ბმულზე.
იხ. მასალის შესწორების დეტალური ინსტრუქცია.
იხ. გასაჩივრების დეტალური ინსტრუქცია.
