28-29 ივლისს ანონიმურმა ფეისბუქ-გვერდმა ბერიძე ნათია, რომელიც Postv-ის ჟურნალისტის სახელით არის შექმნილი, და ანტიოპოზიციურმა ფეისბუქ-ანგარიშებმა წიქარა კოლხი, ლაშა გოლუბიანი და Levan Tavdishvilii პორნოგრაფიული ფილმიდან კადრი გამოაქვეყნეს და აღნიშნეს, რომ ამერიკის ახალი ელჩი საქართველოში, რობინ დანიგანი ყოფილი პორნოვარსკვლავია. პოსტში ასევე ვკითხულობთ: “ჩვენამდე ის არგენტინაში იყო ელჩად და გამოაძევეს მას მერე რაც ლიონელ მესის შეცდენა სცადა”. ფეისბუქ-ანგარიშების ნაწილი აღნიშნულ ინფორმაციას “კონსერვატიული მოძრაობის” დამფუძნებლის, კონსტანტინე მორგოშიას სახელით გამოქვეყნებული პოსტის სქრინშოთზე დაყრდნობით ავრცელებს. მორგოშიას ოფიციალურ ფეისბუქ გვერდზე მსგავსი პოსტი არ იძებნება.
გარდა ამისა, ფეისბუქ-ანგარიშმა რაგნარ ლოთბელი მოცეკვავე ქალის ვიდეო გამოაქვეყნა, რომელიც ვიზუალურად რობინ დანიგანს ჰგავს. პოსტის ავტორი წერს, რომ ვიდეოში კელი დეგნანის შემცვლელია ნაჩვენები.
დეზინფორმაციაა, თითქოს აშშ-ის ახალი ელჩი საქართველოში, რობინ დანიგანი ყოფილი პორნოვარსკვლავია და ამერიკის ელჩი იყო არგენტინაში, საიდანაც გააძევეს. ფოტო, რომელიც ამ დეზინფორმაციას ახლავს, პორნოგრაფიული ფილმიდანაა ამოჭრილი, რომელზეც პორნოვარსკვლავები – ჯონი სინსი და ქენდრა ლასტი არიან გამოსახული. რაც შეეხება ვიდეოს, რომელშიც თითქოს რობინ დანიგანი ცეკვავს, ის პროგრამულადაა დამუშავებული და რეალურად პორტუგალიელი მოდელის ცეკვას ასახავს.
დეზინფორმაციაა, თითქოს რობინ დანიგანი ყოფილი პორნოვარსკვლავია და არგენტინიდან გამოაძევეს. დანიგანს არგენტინაში აშშ-ის ელჩად არ უმსახურია. ის ავსტრიაში, ვიეტნამში, ჩილეში, თურქეთში, კუბასა და ელ სალვადორში აშშ-ის საელჩოებში მსახურობდა, თუმცა ამერიკის ელჩი არცერთ ზემოთ ჩამოთვლილ ქვეყანაში არ ყოფილა.
ფოტო კი, რომელიც ამ ინფორმაციასთან ერთად გამოაქვეყნეს, პორნოგრაფიული ვიდეოდანაა ამოჭრილი და მასზე პორნოვარსკვლავები – ჯონი სინსი და ქენდრა ლასტი არიან გამოსახული.
რაც შეეხება ვიდეოს, რომელშიც პოსტის ავტორის მტკიცებით, რობინ დანიგანი ცეკვავს, ის პროგრამულადაა დამუშავებული. ორიგინალი ვიდეო პორტუგალიელმა მოდელმა ტიკტოკის პლატფორმაზე განათავსა, ვიდეოში რობინ დანიგანის სახე სწორედ მისი სახის ნაცვლადაა ჩასმული.
რობინ დანიგანი აშშ-ის სენატმა საქართველოში ამერიკის შეერთებული შტატების ახალ ელჩად ოფიციალურად 28 ივლისს დაამტკიცა, მის წინააღმდეგ მიმართული ვიზუალური მანიპულაციები სწორედ ამის შემდეგ გავრცელდა.
წყაროების შესახებ
რობინ დანიგანზე ვიზუალური მანიპულაცია და დეზინფორმაცია, თითქოს ის ყოფილი პორნოვარსკვლავია, POSTV-ის ჟურნალისტის ნათია ბერიძის სახელით შექმნილმა ფეისბუქ-გვერდმა გაავრცელა. გვერდი სავარაუდოდ ყალბია, ის ივნისშია შექმნილი და ბერიძის ვერიფიცირებულ ფეისბუქ-ანგარიშთან შედარებით, ამჟამად მხოლოდ 23 ფოლოვერი ჰყავს. ბერიძის ვერიფიცირებულ ფეისბუქ-ანგარიშზე მსგავსი პოსტი არ გამოქვეყნებულა.
რობინ დანიგანზე ვიზუალური მანიპულაციების შემცველი პოსტების ავტორები ძირითადად ანტიოპოზიციური ფეისბუქ ანგარიშები არიან, რომელთაც დეზინფორმაცია აქამდეც გაუვრცელებიათ.
წიქარა კოლხი:
- როდის არის გადაღებული ჯორჯ ბუშის ცეკვის ვიდეო სოჭში?
- სოციალურ ქსელში ჯო ბაიდენის გამოსვლის ვიდეოფაბრიკაცია ვრცელდება
Levan Tavdishvilii:
- ფეისბუკზე სალომე ზურაბიშვილის ფოტოფაბრიკაციები ვრცელდება
- შეუთანხმდა თუ არა კიევი იუნესკოს კიევ-პეჩერის ლავრიდან წმინდა ნაწილების გადაცემის შესახებ?
ლაშა გოლუბიანი:
რაგნარ ლოთბელი:
სლატშეიმინგი
გენდერულ დეზინფორმაციას, როგორც პოლიტიკურ ინსტურმენტს, სოციალური ქსელების სხვადასხვა ანგარიშები ხშირად მიმართავენ. “მითების დეტექტორმა” 2023 წელს პოლიტიკოსების მიმართ სლატშეიმინგის რამდენიემ შემთხვევა გამოავლინა. ერთ-ერთი, რომელიც რუსული მედიიდან იღებდა სათავეს, გერმანიის საგარეო საქმეთა მინისტრის ანალენა ბერბოკის წინააღმდეგ იყო მიმართული:
მას შემდეგ, რაც საქართველოს პრეზიდენტმა პატიმრობაში მყოფი ოპოზიციური “მთავარი არხის” დამფუძნებელი და ყოფილი გენერალური დირექტორი ნიკა გვარამია შეიწყალა, სლაიტშეიმინგს, სექსისტური კომენტარების თანხლებით სალომე ზურაბიშვილის წინააღმდეგაც მიმართეს:
სტატია Facebook-ის ფაქტების გადამოწმების პროგრამის
იხ. მასალის შესწორების დეტალური ინსტრუქცია.
იხ. გასაჩივრების დეტალური ინსტრუქცია.
