15 აპრილს ფეისბუკ ანგარიშმა “მიხეილ განუბაჟებელი” გამოაქვეყნა ფოტო, რომელზედაც “მთავარი არხის” ჟურნალისტს, ეკა კვეიტაძეს ხელში საპროტესტო ბანერი უჭირავს. ბანერზე შემდეგი ტექსტი გვხვდება: “1 საათი 50 ლარი, 2 საათი 80 ლარი, 2=1”.
სოციალურ ქსელში გავრცელებული ფოტო პრაგრამულად არის დამუშავებული. რეალურად, ბანერზე, რომელიც ეკა კვესიტაძეს უჭირავს ირაკლი კობახიძისადმი მისი მიმართვა არის დატანილი, რომელიც პრემიერის გადაცემაში სტუმრობას და კითხვებზე პასუხის გაცემას ეხება.
ფოტო, რომელსაც “მიხეილ განუბაჟებელი” ავრცელებს, 15 აპრილს არის გადაღებული. 15 აპრილს საქართველოს პარლამენტის იურიდიული კომიტეტი კანონპროექტს “უცხოური გავლენის აგენტების” შესახებ განიხილავდა, პარალელურად კი პარლამენტის უკანა შეასვლელთან კანონის მოწინააღმდეგეთა საპროტესტო აქცია დაიწყო. ვიდეო, რომელიც სოციალურ ქსელში ეკა კვესიტაძემ გაავრცელა, ტელეწამყანის თანახმად, მის პირად პროტესტს ასახავს. კვესიტაძე “ქართული ოცნების” წარმომადგენლებს პირდაპირ ეთერში მისვლისკენ, ოპოზიციის წარმომადგენლებსა და სამოქალაქო სექტორთან დებატებისა და კითხვებზე პასუხის გაცემისკენ მოუწოდებდა. ფოტოს ორიგინალი ვერსია ტელეწამყვანმა ფეისბუკის პირად გვერდზე 15 აპრილს გამოაქვეყნა. ბანერზე შემდეგი წარწერაა დატანილი: “ნუ გეშინიათ, უპასუხეთ კითხვებს! გაბედეთ გადაცემაში მოსვლა!”.
სოციალურ ქსელში გავრცელებული ფოტო სლატშეიმინგის მაგალითია. „სლატშეიმინგი“ მორალური კრიტერიუმებით თავდასხმის სექსისტური სიძულვილის ენის ფორმაა, რომელიც სიტყვა-სიტყვით „ბოზობით შერცხვენას“ ნიშნავს. მას სტერეოტიპულ წარმოდგენებთან შეუსაბამო გარეგნობის, ჩაცმულობის თუ ქცევის გამო ადრესატების გასაკიცხად იყენებენ.
ამ ტიპის გენდერულ დეზინფორმაციას, როგორც პოლიტიკურ ინსტურმენტს, სოციალური ქსელების სხვადასხვა ანგარიშები ხშირად მიმართავენ. “მითების დეტექტორმა” 2023 წელს სლატშეიმინგის რამდენიმე შემთხვევა გამოავლინა. ერთ-ერთი, რომელიც რუსული მედიიდან იღებდა სათავეს, გერმანიის საგარეო საქმეთა მინისტრის ანალენა ბერბოკის წინააღმდეგ იყო მიმართული:
- საქართველოში ამერიკის ახალი ელჩის, რობინ დანიგანის შესახებ დეზინფორმაცია და ვიზუალური მანიპულაციები ვრცელდება
- “ვინ არის გამოსახული ფოტოზე – გერმანიის საგარეო საქმეთა მინისტრი თუ რუსი პორნო მოდელი?”
- ლიზა იასკო თუ ინგა გრიგოლია – ვინ უწოდა მიხეილ სააკაშვილს “ძვირფასი მამაკაცი”?
წყაროს შესახებ:
ფეისბუკ ანგარიში “მიხეილ განუბაჟებელი” ფეისბუკ გვერდ “მიხეილ განუბაჟებელთან” ერთად “ქართული ოცნების” პოლიტიკური ოპონენტების, კრიტიკული მედიის წარმომადგენლებისა და სამოქალაქო ატივისტების დისკრედიტაციას ემსახურება. ანგარიშს შეცდომაში შემყვანი ინფორმაცია წარსულშიც გაუვრცელებია, ფეისბუკ გვერდი კი ჩართული იყო უკრაინის ხელისუფლების დისკრედიტაციის კამპანიაში.
სტატია Facebook-ის ფაქტების გადამოწმების პროგრამის
იხ. მასალის შესწორების დეტალური ინსტრუქცია.
იხ. გასაჩივრების დეტალური ინსტრუქცია.
