21 აპრილს ფეისბუკის რუსულენოვან ანგარიშებზე (1, 2), ასევე ტელეგრამ-არხზე (1) BBC – ის რუსულენოვანი სამსახურის სახელით ალექსეი ნავალნის ქვრივის, იულია ნავალნაიას შემდეგი ციტატა გამოქვეყნდა: “ჩემთვის ნობელის პრემია საუკეთესო დადასტურება იქნებოდა იმისა, რომ ცივილიზებულ სამყაროს ახსოვს ალექსეი ნავალნი და მისი ბრძოლა”. გავრცელებულ სქრინშოტზე სტატიის გამოქვეყნების თარიღად 17 აპრილია მითითებული.
BBC- ის ვიზუალით გავრცელებული სქრინშოტი და იულია ნავალნაიას ციტატა გაყალბებულია. BBC- მ ნავალნაიას შესახებ სტატია ნამდვილად გამოაქვეყნა, თუმცა, ავთენტიკურ ვერსიაში ის ნობელის პრემიაზე არ საუბრობს და ამბობს, რომ პუტინის წინააღმდეგ იბრძოლებს.
BBC- ის რუსულენოვანმა სამსახურმა იულია ნავალნაიას შესახებ სტატია 17 აპრილს გამოაქვეყნა, რომელიც ნავალნაიას მიერ TIME- სთვის მიცემულ ინტერვიუს ეყრდნობა. ნავალნაია TIME-ის მსოფლიოს ყველაზე გავლენიანი ადამიანების ასეულში მოხვდა, რის შემდეგაც მან გამოცემას პირველი ინტერვიუ მისცა ქმრის გარდაცვალების შემდეგ.
BBC- ის მიერ გამოქვეყნებულ მასალაში, რომლის ვიზუალი და გამოქვეყნების თარიღი (17 აპრილი) გავრცელებული სქრინშოტის იდენტურია, მითითებულია, რომ ეს ნავალნაიას პირველი ინტერვიუა ქმრის გარდაცვალების შემდეგ. არც სტატიის სათაურში და არც ტექსტში ნავალნაია ნობელის პრემიას არ ახსენებს. ის ალექსეი ნავალნის გარდაცვალებასა და მომავალ გეგმებზე საუბრობს. მისი თქმით, ქმრის გზას გააგრძელებს და პუტინის წინააღმდეგ იბრძოლებს.
“მითების დეტექტორმა” BBC-ის სახელით გავრცელებული ყალბი ინფორმაცია წარსულშიც გადაამოწმა. ვრცლად, იხილეთ:
- ყალბი BBC-ის საიტიდან WHATSAPP ბოტით ფულის გამომუშავებაზე თაღლითური სქემა ვრცელდება
- BBC-ს სახელით ჭარბი სიკვდილიანობისა და ვაქცინების კავშირზე დეზინფორმაცია ვრცელდება
- BBC-ის სახელით ვოლოდიმირ ზელენსკის ყალბი ციტატა ვრცელდება
- კადრი BBC-ს ვიდეოდან, თითქოს უკრაინელ სამხედროს ნაცისტური შევრონი უკეთია, ყალბია
სტატია Facebook-ის ფაქტების გადამოწმების პროგრამის
იხ. მასალის შესწორების დეტალური ინსტრუქცია.
იხ. გასაჩივრების დეტალური ინსტრუქცია.
