განახლება: 2 აპრილს, მასალის გამოქვეყნების შემდეგ, უკრაინის პარლამენტის ვებ საიტზე განთავსდა ინფორმაცია, რომ ვოლოდიმირ ზელენსკიმ ხელი მოაწერა კანონს, რომლის მიხედვითაც უკრაინაში მობილიზაციის ასაკმა 27-დან 25 წლამდე ჩამოიწია.
29-30 მარტს რუსულენოვან ტელეგრამ-არხზე, პლატფორმა Конт-ზე და ფეისბუკის ქართულენოვან ანგარიშზე ვიდეო გამოქვეყნდა, რომელშიც ავტობუსში მსხდომი მოზარდები ჩანან. აღწერების მიხედვით ისინი უკრაინაში ომში მიყავთ.
გავრცელებული კადრები მანიპულაციურად, არასწორი აღწერით ვრცელდება. ავტობუსში მსხდომი ახალგაზრდები რეალურად Іван Богун – ის სამხედრო ლიცეუმის სტუდენტები არიან, უკრაინაში სავალდებულო გაწვევა კი ამ დროისათვის 27 წლიდან მოქმედებს.
ინფორმაცია ფაქტების გადამოწმების იტალიურმა პლატფორმა – Open-მა გადაამოწმა.
ორგანიზაციამ ვიდეოს გადამოწმებისას სტუდენტების ფორმაზე Іван Богун – ის ლიცეუმის გერბი შენიშნა, რითაც გაარკვია, რომ ისინი ამ სამხედრო სკოლიდან იყვნენ.
Іван Богун – ის სამხედრო ლიცეუმი კიევში მდებარე ზოგადი საშუალო საგანმანათლებლო დაწესებულებაა სამხედრო-პროფესიული მიმართულებით. ლიცეუმის გერბის ფოტო მათ საიტზეა გამოტანილი.
ფოტოზე ჩანს, რომ ავტობუსში მსხდომ სტუდენტების ფორმაზე სწორედ ამ დაწესებულების ლოგოა გამოსახული.
გარდა ამისა, უკრაინაში სავალდებულო მობილიზაცია 27-დან 60 წლამდე ასაკის კაცებს ეხებათ და არასრულწლოვნების ომში გამოძახება დაუშვებელია.
2023 წლის 25 დეკემბერს უკრაინის პარლამენტში ახალი საკანონმდებლო პროექტი დარეგისტრირდა, რომლის თანახმად მობილიზაციის ასაკმა 25 წლამდე უნდა დაიწიოს. აღნიშნული კანონპროექტი 7 თებერვალს პირველი მოსმენით დამტკიცდა.
წყაროს შესახებ:
ფეისბუკ-ანგარიში Dato Faika Nacvlishvili ხშირად ავრცელებს შეცდომაში შემყვან ცნობებს, რასაც ,,მითების დეტექტორი” სისტემატურად ამოწმებს.
სტატია Facebook-ის ფაქტების გადამოწმების პროგრამის
იხ. მასალის შესწორების დეტალური ინსტრუქცია.
იხ. გასაჩივრების დეტალური ინსტრუქცია.
