28 მარტს რუსულ პროპაგანდისტულ მედიაში Ura.ru, ასევე ფეისბუკის რუსულენოვან ანგარიშზე ამერიკული არხის CBS – ის დილის გადაცემის ფრაგმენტი გავიდა, რომელშიც რეპორტიორი ახალი დახრილი უნიტაზის შესახებ საუბრობს, რომელზეც მისი სპეციფიკური ფორმის გამო ადამიანები დიდ დროს ვერ გაატარებენ. თემის წარდგენის შემდეგ, ვიდეოში უნიტაზების ნაცვლად ზელენსკის კადრები შემოდის, რაზეც წამყვანი სიცილს იწყებს. რუსული მედიის თანახმად, ამ ეპიზოდით ამერიკულმა არხმა აჩვენა, რომ ქვეყანა უნიტაზებზე აკეთებს ეკონომიას, ზელენსკიზე კი წელიწადში მილიონობით დოლარს ხარჯავს.
ვიდეო პროგრამულადაა დამუშავებული. ორიგინალ ვერსიაში ზელენსკის კადრები არ არის, უნიტაზსს აჩვენებენ, წამყვანი კი იმ ფაქტის გაჟღერების შემდეგ იცინის, რომლის მიხედვით, ახალი უნიტაზები ადამიანებს მილიონობით დოლარის ეკონომიას გაუწევს.
ვიდეოს ორიგინალი ვერსია ამერიკულ არხზე CBS News Boston 2019 წლის 19 დეკემბერს გავიდა და ორიგილ ვერსიაში ზელენსკის კადრები არ არის.
გადაცემაში წამყვანი დაიანა კინგ ჰოლი ახალი, ინოვაციური უნიტაზების შესახებ საუბრობს, რომელზეც ადამიანები მისი სპეციფიკური, დახრილი ფორმის გამო დიდ დროს არ გაატარებენ, ეს კი მათ ბევრ დროს დაუზოგავს. მწაროებელი კომპანია ამბობს, რომ ადამიანები საპირფარეშოში საჭიროზე 25 %-ით მეტ დროს ატარებენ, ამოწმებენ სოციალურ მედიას და ა.შ. კომპანიის აზრით, ახალი უნიტაზების მეშვეობით, ადამიანებს მასზე აღარ დაყოვნდებიან, რაც მათ მილიონობით დოლარის ეკონომიას მოუტანს. წამყვანი სწორედ ამ ამაზე იცინის. კადრში კი უნიტაზს აჩვენებენ.
აღსანიშნავია, რომ რუსულ პროპაგანდისტულ მედიაში წარსულშიც არაერთხელ გავრცელდა პროგრამულად დამუშავებული კადრები, რომლის მიხედვით სხვადასხვა ამერიკულ არხებზე ზელენსკის ხან შავ ხვრელს, ხან კი ძაღლს ადარებდნენ. ეს ვიდეოები “მითების დეტექტორმა” წარსულში გადაამოწმა. ვრცლად, იხილეთ:
- ვინ შეადარა ზელენსკი შავ ხვრელს – რუსულმა თუ ამერიკულმა მედიამ?
- ტერენტი გლდანელი, PRAVDA.RU და URA.RU ზელენსკიზე გაყალბებულ ვიდეოს ავრცელებენ
სტატია Facebook-ის ფაქტების გადამოწმების პროგრამის
იხ. მასალის შესწორების დეტალური ინსტრუქცია.
იხ. გასაჩივრების დეტალური ინსტრუქცია.
