14 თებერვალს ანონიმურმა სახელისუფლებო ფეისბუქ გვერდმა და ანგარიშმა ტერენტი გლდანელი ვიდეოები შემდეგი აღწერით გამოაქვეყნა: “ზელენსკის უკვე ამერიკაშიც დასცინიან.” ვიდეოში ინგლისურ ენაზე მოსაუბრე ტელეწამყვანი ამბობს: “შიანურ ცხოველებზე საუბრისას, შეიძლება ყველა მოუთმენლები ვიყოთ, მაგრამ ერთი გაღიზიანებული ოჰაიოელი ლეკვი ეროვნულ ყურადღებას იპყრობს.” ამ შესავლის შემდეგ ვიდეოში დიდ ბრიტანეთში ვიზიტის დროს გადაღებული უკრაინის პრეზიდენტის, ვოლოდიმირ ზელენსკის ის კადრი ჩნდება, სადაც ის სიტყვით გამოსვლას იწყებს. შემდეგ კადრში ორი ტელეწამყვანი იცინის და ერთ-ერთი მათგანი ამბობს: “აი, ამიტომ არ უნდა ვაჩვენოთ ვიდეო შინაურ ცხოველებზე.” ვიდეო რუსულმა პროპაგანდისტულმა გამოცემებმა Pravda.ru-მ და Ura.ru-მაც გამოაქვეყნეს.
ვიდეო დამონტაჟებულია. რეალურად, ის 2017 წელსაა გადაღებული და მასში ტელეკომპანია KCCI-ს წამყვანები არა ვოლოდიმირ ზელენსკის, არამედ ოჰაიოელი ძაღლის კადრებს აჩვენებენ.
გავრცელებული ვიდეოს ორიგინალი ვერსია ინტერნეტში 2017 წლიდან იძებნება.
აშშ-ს ოჰაიოს შტატის ტელევიზიის KCCI-ს წამყვანები გადაცემის ამ მონაკვეთში იმ ძაღლზე საუბრობენ, რომელიც მანქანიდან პატრონს უსიგნალებდა. ოჰაიოელი ძაღლის ეს ვიდეო სოციალურ ქსელში 2017 წლის თებერვალში ფართოდ გავრცელდა.
ტელეწამყვანი ლორა ტერელი ასეთ შესავალს სწორედ ძაღლის ვიდეოს უკეთებს, მისი ჩვენების შემდეგ კი ტელეწამყვან ტოდ მეიჯელთან ერთად იცინის.
აღსანიშნავია, რომ ვიდეო, რომელიც ტერენტი გლდანელმა ქართული სუბტიტრებით გამოაქვეყნა, უფრო ადრე ტვიტერზე გავრცელდა.
თუმცა ტვიტის კომენტარებში თავად ავტორმა რეალური ვიდეოც ატვირთა.
“ტერენტი გლდანელის” ფეისბუქ ანგარიშები ამერიკის ელჩის, დასავლეთის და უკრაინის, ოპოზიციის წინააღმდეგ კამპანიებში სისტემატიურად არიან ჩართული, ისინი ხელისუფლების ოპონენტებზე ყალბ ამბებს და ვიდეო ფაბრიკაციას ადრეც ავრცელებდნენ, ვრცლად იხილეთ:
- როგორ გაქრა ჟურნალისტი ანა ასათიანი “მთავარი არხის” კადრიდან და როგორ იქცა ტერენტი გლდანელი ANUSHKA.ANUSHKA-დ?
- რა თქვა რეალურად ლევან ბერძენიშვილმა მიხეილ ჯავახიშვილსა და ილია ჭავჭავაძეზე?
სტატია Facebook-ის ფაქტების გადამოწმების პროგრამის
იხ. მასალის შესწორების დეტალური ინსტრუქცია.
იხ. გასაჩივრების დეტალური ინსტრუქცია.
სტატია Facebook-ის ფაქტების გადამოწმების პროგრამის
იხ. მასალის შესწორების დეტალური ინსტრუქცია.
იხ. გასაჩივრების დეტალური ინსტრუქცია.
სტატია Facebook-ის ფაქტების გადამოწმების პროგრამის
იხ. მასალის შესწორების დეტალური ინსტრუქცია.
იხ. გასაჩივრების დეტალური ინსტრუქცია.
სტატია Facebook-ის ფაქტების გადამოწმების პროგრამის
იხ. მასალის შესწორების დეტალური ინსტრუქცია.
იხ. გასაჩივრების დეტალური ინსტრუქცია.