22 ივნისს ფეისბუქ-ანგარიშმა ფანტინა ფანტინა ვიდეო გამოაქვეყნა, რომელშიც ჩანს მამაკაცი, რომელსაც შერიფის ფორმა და ცისარტყელას ფერის ჩექმები აცვია. პოსტის ავტორი წერს, რომ “სხვანაირად დაცულად გრძნობ თავს როცა ასეთი შერიფი გიცავს”. პოსტს აშშ-ისა და პრაიდის დროშები ერთვის.
გავრცელებული პოსტი ვიდეომანიპულაციას შეიცავს და ქმნის მცდარ შთაბეჭდილებას, თითქოს ვიდეოში ნაჩვენები ადამიანი ამერიკელი შერიფია. რეალურად, ის მსახიობი და იუმორისტი მარკ რომანია, ვიდეოში კი მის მიერ შექმნილ პერსონაჟს “ლეიტენანტ ფრენკს” (Lt. Frank) ასახიერებს.
-
ვიდეოში არა ამერიკელი შერიფი, არამედ იუმორისტი მარკ რომანია გამოსახული
გამოქვეყნებული პოსტი ქმნის შთაბეჭდილებას, თითქოს ვიდეოში ნაჩვენები ადამიანი ამერიკაში დასაქმებული შერიფია, რაც სიმართლეს არ შეესაბამება.
რეალურად, ადამიანი, რომელსაც ვიდეოში ვხედავთ მსახიობი და იუმორისტი მარკ რომანია. შერიფი, იგივე ლეიტენანტი ფრენკი (Lt. Frank) კი მის მიერ შექმნილი ერთ-ერთი პერსონაჟია, ამ ფორმაში ჩაცმული ის ლოს-ანჯელესში, კალიფორნიას შტატში გადაადგილდება და წარმოდგენებს მართავს.
აღსანიშნავია ისიც, რომ ლეიტენანტი ფრენკის პერსონაჟის მონაწილეობით პერსონალიზებული ვიდეოების შეკვეთაც არის შესაძლებელი.
წყაროს შესახებ:
ფეისბუქ-ანგარიშს ფანტინა ფანტინა, მის სხვა ანგარიშებთან ერთად (1, 2), დეზინფორმაციული პოსტები აქამდეც არაერთხელ გაუვრცელებია. ვრცლად იხილეთ “მითების დეტექტორის” მასალებში:
- სატანისტური რიტუალი თუ ძველი უკრაინული სიმღერა ცისა და მიწის გაჩენის შესახებ?
- სოციალურ ქსელში 2015 წლის ვიდეოს რუსეთისთვის დაწესებულ სანქციებს უკავშირებენ
- არის თუ არა კომპანია APEEL SCIENCE-ის პროდუქცია საკვებად საშიში?
სტატია Facebook-ის ფაქტების გადამოწმების პროგრამის
იხ. მასალის შესწორების დეტალური ინსტრუქცია.
იხ. გასაჩივრების დეტალური ინსტრუქცია.
