11 ივლისს ფეისბუქ გვერდმა Newsagency.ge-მ 10 ივლისს რაგბიში იტალიასთან საქართველოს გამარჯვების შესახებ მთავარი არხის ჟურნალისტის თენგო გოგოტიშვილის ციტატა გამოაქვენა: “ეგეთი რა მოიგეთ, ასე გიჟებივით რომ აღნიშნავთ? როდესაც საქართველოს მესამე პრეზიდენტი ციხეში ლპება, უნამუსობაა იტალიასთან გამარჯვება გიხაროდეთ. უკვე აღარ მაქვს იმედი, რომ რამე გამოვა… თქვენი შემხვედვარე გავტყდი.” აღწერის მიხედვით, გოგოტიშვილმა აღნიშნული სტატუსი გამოქვეყნებიდან რამდენიმე წუთში წაშალა. Newsagency.ge-ს პოსტის სქრინი 11 ივლისს 5 წუთიანი შუალედით ფეისბუქ ანგარიშმა “ტერენტი გლდანელი” გამოაქვეყნა.
თენგიზ გოგოტიშვილის სტატუსის შესახებ ინფორმაცია მტკიცებულებების გარეშეა და ცრუ საინფორმაციო გამოცემას ეყრდნობა. ფეისბუქ გვერდების მიერ გამოქვეყნებული პოსტები ჟურნალისტის სტატუსის არსებობის დამადასტურებელ სქრინებს არ შეიცავს. თავად გოგოტიშვილმა “მითების დეტექტორთან” კომენტარში საქართველოს სარაგბო ნაკრების გამარჯვების შესახებ პოსტის გამოქვეყნების ფაქტი უარყო.
თენგიზ გოგოტიშვილის ფეისბუქ ანგარიშზე მსგავსი შინაარსის პოსტი არ იძებნება.
აღნიშნავია, რომ ფეისბუქ გვერდებმა Newsagency.ge და ტერენტი გლდანელი გოგოტიშვიილს სტატუსის შესახებ პოსტები კოორდინირებულად 5 წუთიანი შუალედით გამოაქვეყნეს, თუმცა არცერთ მათგანს ჟურნალისტის პოსტის სქრინი არ გაუვრცელებია და მხოლოდ ფეისბუქ გვერდ Newsagency.ge-ს მიერ მომზადებული ქარდი გამოაქვეყნა, რომელზეც ჟურნალისტის ფოტო და მისი ციტატაა გამოსახული. ორი სახელისუფლებო ფეისბუქ ანგარიშის მიერ იდენტური შინაარსის მასალის სინქრონული და იდენტური ვიზუალით გავრცელება, სათანადო მტკიცებულებების გარეშე (პოსტის სქრინი) მათ კოორდინირებულ მოქმედებაზე მეტყველებს.
“მითების დეტექტორი” კომენტარისთვის დამატებით თენგო გოგოტიშვილსაც დაუკავშირდა, რომელმაც აღნიშნა, რომ ასეთი შინაარსის პოსტი არც გამოუქვეყნებია.
საინტერესოა ისიც, რომ Newsagency.ge მედიასაშუალებად პოზიციონირებს.
ფეისბუქ გვერდის სახელწოდებად კი ვებ-გვერდის სახელია გამოყენებული. თუმცა თავად ფეისბუქზე გვერდის შესახებ განყოფილებაზე მედიასაშუალების URL მისამართი მითითებული არ არის. გვერდი 2021 წლის 21 სექტემბერში, ადგილობრივ არჩევნებამდე შეიქმნა.
დომეინი Newsagency.ge სწორედ ამ დროს 2021 წლის 17 სექტემბერს გააქტიურდა. თუმცა ამჟამად ეს დომეინი გათიშულია.
“მითების დეტექტორმა” Newsagency.ge-ის მიერ ოპოზიციის დისკრედიტაციის მიზნით გამოქვეყნებული დეზინფორმაციები არა ერთხელ გადაამოწმა. ვრცლად გვერდისა და მის მიერ გამოქვეყნებული სხვა ყალბი პოსტების შესახებ იხილეთ:
- სოციალურ ქსელში მიშა მშვილდაძის გაყალბებული ციტატა დაფინანსებით ვრცელდება
- გააკეთა თუ არა გრეგოროვამ განცხადება დავით კეზერაშვილზე, მეგის ქარდავასა და კოხტა კოდუაზე?
- დასპონსორებული პოსტები და სახელისუფლებო აქტორები ევროპარლამენტარების წინააღმდეგ
რაც შეეხება “ტერენტი გლდანელს,” წარსულში ამ სახელწოდებისა და ვიზუალის ფეისბუქ გვერდი ფუნქციონირებდა, თუმცა მოგვიანებით ფეისბუქ ანგარიში შეიქმნა. აღნიშნული გვერდი “მითების დეტექტორის” მიერ გამოვლენილ ოპოზიციისა და ჟურნალისტების წინააღმდეგ მიმართულ არაერთ დისკრედიტაციის კამპანიაში მოხვდა, ვრცლად იხილეთ:
- ახლადშექმნილი ფეისბუკ გვერდები და ძველი ტროლები ბერას დასაცავად და ჟურნალისტების წინააღმდეგ
- დასპონსორებული პოსტები და ანტილიბერალური გზავნილები – ვინ და როგორ ცდილობს 20 ივნისის აქციის დისკრედიტაციას?
- როგორ გაქრა ჟურნალისტი ანა ასათიანი “მთავარი არხის” კადრიდან და როგორ იქცა ტერენტი გლდანელი ANUSHKA.ANUSHKA-დ?
- “შუბლის ძარღვ გაწყვეტილების” და “ტერენტი გლდანელის” მანიპულაცია გაცნობის აპლიკაციის მეშვეობით
სტატია Facebook-ის ფაქტების გადამოწმების პროგრამის ფარგლებში მომზადდა. მასალებზე, რომელიც ამ სტატიის საფუძველზე Facebook-მა შესაძლოა, სხვადასხვა შეზღუდვა აამოქმედოს. შესაბამისი ინფორმაცია იხილეთ ამ ბმულზე. ჩვენი შეფასების გასაჩივრების და შესწორების შესახებ ინფორმაცია ხელმისაწვდომია ამ ბმულზე.
იხ. მასალის შესწორების დეტალური ინსტრუქცია.
იხ. გასაჩივრების დეტალური ინსტრუქცია.
