17 და 15 სექტემბერს ყალბმა ფეისბუკ ანგარიშმა ბიწაძე ნანამ “ქართული ოცნების” თავმჯდომარის, ირაკლი კობახიძისა და პრემიერ-მინისტრ ირაკლი ღარიბაშვილის ციტატები გამოაქვეყნა. სოციალურ ქსელში გავრცელებული პოსტის თანახმად, კობახიძე ოცნების მხარდამჭერებს სოლიდარობის ნიშნად ფეისბუკზე “ფრეიმად” პალესტინის დროშის დაყენებისკენ მოუწოდებს, მეორე პოსტში კი, ირაკლი ღარიბაშვილი პალესტინიდან 40 000 დევნილის შეფარებაზე აკეთებს განცხადებას. ციტატებს ონლაინ გამოცემის On-ge-ის ლოგოები აქვს დართული, რაც ტოვებს შთაბეჭდილებას, რომ სქრინშოთები ონლაინ გამოცემის ვებ-საიტზე არის გაკეთებული. კობახიძეზე იდენტური სქრინშოთი 17 ოქტომბერს ფეისბუკის ერთ-ერთმა მომხმარებელმაც გაავრცელა.
ირაკლი ღარიბაშვილის ციტატა ასევე გამოაქვეყნა ფეისბუქ ანგარიშმა “თეა აბაშიძე (მრისხანე ბაბუაწვერა)”.
სოციალურ ქსელში ირაკლი კობახიძისა და ირაკლი ღარიბაშვილის სახელითა და ონლაინ მედიის On.ge-ის ლოგოს გამოყენებით გაყალბებული ციტატები ვრცელდება. იდენტური ან მსგავსი შინაარსის განცხადებები ღია წყაროებში, მედიასაშუალებებსა და კობახიძისა და ღარიბაშვილის ოფიციალურ ფეისბუკ გვერდებზე არ იძებნება.
“ქართული ოცნების” თავმჯდომარეს, ირაკლი კობახიძეს მოწოდება პალესტინის დროშის “ფრეიმად” დაყენების შესახებ არ გაუვრცელებია. ამგვარი ციტატა არ გვხვდება კობახიძის ოფიციალურ ფეისბუკის გვერდზე და არც On.ge-ის საიტზე არ იძებნება.
ყალბია ირაკლი ღარიბაშვილის ციტატაც. აღსანიშნავია, რომ ირაკლი ღარიბაშვილი 2013 წლის 7 ოქტომბერს ისრაელზე თავდასხმას სოციალურ ქსელ X-ზე (ყოფილი ტვიტერი) გამოეხმაურა და ისრაელის სახელმწიფოს სოლიდარობა გამოუცხადა.
ყალბი ფეისბუკ ანგარიში ბიწაძე ნანა ხელისუფლების წევრებზე ყალბ ინფორმაციას სისტემატიურად აქვეყნებს (1,2). 2020 წელს აღნიშნული ფეისბუკ ანგარიში გვერდმა ვინ ვინ არის – Vin Vin Aris შეისწავლა და დაადგინა, რომ ის Альона Тимончук-ის ფოტოებს იპარავს.
ანგარიში “ბიწაძე ნანა” დაკავშირებულია მეორე ფეისბუქ ანგარიშ “მრისხანე ბაბუაწვერასთან”, რომელსაც თედო აბაშიძე მართავს. თედო აბაშიძე სხვადასხვა პოლიტიკოსების ყალბ ციტატებს ძირითადად ირონიული შინაარსით აქვეყნებს, თუმცა არ უთითებს, რომ ინფორმაცია სატირულია, ხოლო ფეისბუქ მომხმარებლების ნაწილი პოსტებს რეალურ ამბად აღიქვამს.
“ბიწაძე ნანას” მირ გავრცელებული ყალბი პოსტები “მითების დეტექტორმა” არაერთხელ გადაამოწმა. ვრცლად იხილეთ:
- ბაია პატარაიას და იაგო ხვიჩიას სახელით გაყალბებული პოსტები ვრცელდება
- ფოტოფაბრიკაცია, თითქოს ომის ვეტერანი სააკაშვილის გათავისუფლების მოთხოვნის გამო დააკავეს
- ინფორმაციას, თითქოს ქართველ მომვლელს “ნაპოლის” ჩემპიონობის გამო ბინა აჩუქეს, ტროლი ავრცელებს
- სააკაშვილის შესახებ ირაკლი კობახიძის ყალბი ციტატა ვრცელდება
სტატია Facebook-ის ფაქტების გადამოწმების პროგრამის
იხ. მასალის შესწორების დეტალური ინსტრუქცია.
იხ. გასაჩივრების დეტალური ინსტრუქცია.