2023 წლის 19 თებერვალს ფეისბუქის რუსულენოვანმა ანგარიშმა გამოაქვეყნა პოსტი, სადაც ის ამტკიცებს, რომ “Deutsche Welle”-ს (დოიჩე ველე) სიუჟეტში ნაჩვენებ რუკაზე რუსეთსა და უკრაინას შორის საზღვარი წაშლილი იყო. ამის დასტურად პოსტის ავტორმა გამოაქვეყნა ფოტო Deutsche Welle-ს ლოგოთი, სადაც უკრაინა მართლაც რუსეთის ნაწილად არის წარმოდგენილი.
გავრცელებული ფოტო პროგრამულად არის დამუშავებული. რეალურად, “Deutsche Welle”-ს სიუჟეტში რუსეთ-უკრაინის საზღვარი წაშლილი არ არის და გავლებულია ისე, როგორც საერთაშორისოდ აღიარებულ საზღვრებში.
გავრცელებული ფოტო, თავდაპირველად რუსულ ტელეგრამ არხებზე გავრცელდა. აღსანიშია, რომ ზოგიერთი მათგანი სიუჟეტიდან ამოჭრილ ვიდეოსაც აზიარებს, სადაც რუსეთ-უკრაინის საზღვარი წაშლილია და გავრცელებული ფოტოც სწორედ ამ ნაწილიდან არის ამოღებული.
ინფორმაციის გადამოწმების მიზნით “მითების დეტექტორმა” “Deutsche Welle”-ს მიერ გამოქვეყნებული ორიგინალი სიუჟეტი მოიძია, რომელშიც საუბარია აშშ-სა და ევროპული ქვეყნების ბირთვულ შეიარაღებაზეა საუბარი, კონკრეტულად ამ ნაწილში კი მოცემულია ის ადგილები, სადაც ევროპის ტერიტორიაზე ბირთვული იარაღია განლაგებული. ავთენტურ ვიდეოში, უკრაინასა და რუსეთს შორის საზღვარი ცხადად ჩანს და ის ისევეა გავლებული, როგორც ეს საერთაშორისოდ აღიარებულ ნორმებშია დადგენილი.
ფეისბუქისა და ტელეგრამის რუსულენოვანი მომხმარებლების მიერ “დოიჩე ველეს” სახელით გაყალბებული ინფორმაცია წარსულშიც არაერთხელ გავრცელებულა. აღსანიშნია, რომ მათი უმრავლესობა უკრაინის დისკრედიტაციას ისახავდა მიზნად. ვრცლად იხილეთ “მითების დეტექტორის” სტატიებში:
- უკრაინაში მობილიზაციაზე “დოიჩე ველეს” სახელით გაყალბებული სტატია ვრცელდება
- “დოიჩე ველეს” სახელით უკრაინელ ლტოლვილებზე გაყალბებული სტატია ვრცელდება
- “დოიჩე ველეს” სახელით ჯოზეფ ბორელის გაყალბებული ციტატა ვრცელდება
სტატია Facebook-ის ფაქტების გადამოწმების პროგრამის
იხ. მასალის შესწორების დეტალური ინსტრუქცია.
იხ. გასაჩივრების დეტალური ინსტრუქცია.
