ივნისის თვეში ქართულმა ფეისბუქ-ანგარიშებმა (1, 2) პარტია “გირჩის” ლიდერის, იაგო ხვიჩიას სახელით პოსტის სქრინშოტი გამოაქვეყნეს. სქრინშოტის მიხედვით, ხვიჩია წერს, რომ პუტინს უნდა ვთხოვოთ, რამდენიმე რაკეტა ჭიათურაშიც ჩამოაგდოს და მაღაროელები მიწაში ჩამარხოს.
იაგო ხვიჩიას სახელით გავრცელებული სქრინშოტი გაყალბებულია. მსგავსი შინაარსის განცხადება ხვიჩიას არც სოციალურ ქსელის ანგარიშებზე იძებნება და არც რომელიმე მედიასაშუალებასთან უთქვამს. “მითების დეტექტორი” იაგო ხვიჩიას დაუკავშირდა. მან დაადასტურა, რომ პოსტი გაყალბებულია.
-
იაგო ხვიჩიას განცხადება მაღაროელებზე გაყალბებულია.
პოსტი, რომელშიც იაგო ხვიჩია მაღაროელებს შეურაცხყოფას აყენებს, გაყალბებულია. რეალურად, ხვიჩიას სოციალურ ქსელებში- ფეისბუქსა ( 1, 2) და ტვიტერის ანგარიშზე მსგავსი განცხადება არ იძებნება. ხვიჩიას მსგავსი შინაარსის კომენტარი არც რომელიმე მედიასაშუალებასთან გაუკეთებია.
“მითების დეტექტორი” იაგო ხვიჩიას დაუკავშირდა. მან აღნიშნა, რომ სქრინშოტი გაყალბებულია და მაღაროელების საკითხზე მსგავსი კომენტარი არ გაუკეთებია.
ჭიათურელი მაღაროელები ივნისის დასაწყისში ხელფასის მომატებისა და სამუშაო პირობების გაუმჯობესების მოთხოვნით გაიფიცნენ, თუმცა იაგო ხვიჩია საკუთარ ოფიციალურ ფეისბუქ-გვერდზე ამ თემას არ გამოხმაურებია. გაყალბებული სქრინი 19 ივნისს გავრცელდა, ხვიჩიას ფეისბუქზე ამ დღეს მხოლოდ ერთი პოსტი აქვს გამოქვეყნებული, რომელიც პარტია “გირჩის” 2024 წლის არჩევნების დაპირებებს შეეხება.
პარტია “გირჩის” ლიდერის იაგო ხვიჩიას სახელით გაყალბებული პოსტი “მითების დეტექტორმა” წარსულშიც გამოავლინა. ვრცლად იხილეთ:
წყაროს შესახებ
ფეისბუქ-ანგარიშ მრისხანე ბაბუაწვერას გაყალბებული სქრინები და ციტატები, მათ შორის იაგო ხვიჩიას სახელით, წარსულშიც არაერთხელ გაუვრცელებია. ვრცლად იხილეთ “მითების დეტექტორის” მასალები:
- აპირებს თუ არა იაგო ხვიჩია მიცვალებულების ოქროს კბილების გამოყენებას?
- ბანკზე თავდამსხმელის შესახებ შინაგან საქმეთა მინისტრის ყალბი ციტატა ვრცელდება
- ვინ გააყალბა სახალხო დამცველის კომენტარი “ვეფხისტყაოსნის” აკრძალვაზე?
სტატია Facebook-ის ფაქტების გადამოწმების პროგრამის
იხ. მასალის შესწორების დეტალური ინსტრუქცია.
იხ. გასაჩივრების დეტალური ინსტრუქცია.
