24 აპრილს რამდენიმე ფეიბუქ-ანგარიშმა (1, 2), მათ შორის შიინ ევროპისკენ გამოაქვეყნეს ამერიკის პრეზიდენტის, ჯო ბაიდენის ფოტო, რომელზეც ის ფერად საცურაო კოსტიუმშია გამოსახული.
ფოტო, რომელზეც ბაიდენი საცურაო კოსტიუმშია გამოსახული, რეალური არ არის და ხელოვნური ინტელექტის მიერაა შექმნილი.
ჯო ბაიდენის ფოტო სანდო ღია წყაროებში ან მედიასაშუალებებში არ იძებნება. ფოტო ძირითადად ტვიტერის ანგარიშებს აქვთ გამოქვეყნებული და ის 2023 წლის აპრილის დასაწყისიდან ვრცელდება. ყველაზე ძველ ტვიტს, რომელიც ამ ფოტოს შეიცავს, 1 აპრილს მივაკვლიეთ და ის ილონ მასკის ტვიტის საპასუხოდ გამოაქვეყნეს. მასკმა ტვიტერზე ხელოვნური ინტელექტის მიერ შექმნილი საკუთარი ფოტო გამოაქვეყნა, რომელზეც რომის პაპის AI-ს მიერ შექმნილი ფოტოს მსგავსი თეთრი ქურთუკი აცვია, მის საპასუხოდ ტვიტერის სხვა ანგარიშებმა ხელოვნური ინტელექტის შექმნილი ბაიდენის ორი ფოტო გამოაქვეყნეს, ერთში ბაიდენს ვარდისფერი ქურთუკი აცვია, მეორეში კი საცურაო კოსტიუმი.
გამოცემა WION-მა მსოფლიო ლიდერების ხელოვნური ინტელექტის მიერ გენერირებული ფოტოები გააერთიანა. დონალდ ტრამპის, ემანუელ მაკრონისა და რომის პაპის გვერდით, AI-ს შექმნილ საცურაო კოსტიუმში ჩაცმული ჯო ბაიდენის ფოტოც მოხვდა.
სტატია Facebook-ის ფაქტების გადამოწმების პროგრამის
იხ. მასალის შესწორების დეტალური ინსტრუქცია.
იხ. გასაჩივრების დეტალური ინსტრუქცია.
