30 მაისს ქართულენოვანმა ფეისბუქ-ანგარიშებმა (1, 2) ტექსტის შემცველი ფოტო გამოაქვეყნეს, რომლის მიხედვითაც “თბილისის მერია, პოზიტიური განწყობის შექმნის გამო, ყოველ მეასე ულიფოდ მოსიარულე გოგოს დააჯილდოვებს”. ფოტოს “პირველი არხის” ლოგო აქვს.
“პირველი არხის” სახელით გავრცელებული ინფორმაცია სიმართლეს არ შეესაბამება და სატირული შინაარსი აქვს. არც “პირველ არხს”, და არც თვითონ თბილისის მერიას არ გაუვრცელებიათ ინფორმაცია, თითქოს, ბიუსტჰალტერის გარეშე მოსიარულეები, შესაძლოა, დაჯილდოვდნენ.
გავრცელებული ინფორმაცია “პირველი არხის” ფეისბუქ- და ინსტაგრამ გვერდებზე, ასევე არც ვებ-გვერდზე გამოქვეყნებული არ არის. გარდა ამისა, ინფორმაცია, თითქოს თბილისის მერია ბიუსტჰალტერის გარეშე მოსიარულე ყოველ მე-100 ქალს დააჯილდოებს, არც სხვა მედიაში იძებნება. ინფორმაცია, სავარაუდოდ, სატირული მიზნით გამოქვეყნდა, თუმცა პოსტების კომენტარებიდან ჩანს, რომ სოციალური ქსელის მომხმარებლებმა ის რეალურად აღიქვეს.
რაც შეეხება ფოტოს, რომელზეც ქალი შავ საცურაო კოსტიუმშია გამოსახული, ის კომერციული მიზნით გამოსაყენებელი ვიზუალური მასალების პლატფორმებზე იძებნება და მისი შეძენა ყველას შეუძლია.
სტატია Facebook-ის ფაქტების გადამოწმების პროგრამის
იხ. მასალის შესწორების დეტალური ინსტრუქცია.
იხ. გასაჩივრების დეტალური ინსტრუქცია.
