2021 წლის 21 აგვისტოს, Facebook მომხმარებელმა Tedo Abashidze-მ გამოაქვეყნა სქრინი, რომელზეც ასახულია უფლებადამცველ ბაია პატარაიას კომენტარი. კომენტარის მიხედვით, ბაია პატარაია საქართველოში გედერული თანასწორობის აღდგენის მიზნით მთავრობის მიერ ბიჭების აბორტისა და ახალშობილი ბიჭებისათვის სქესის შეცვლის ოპერაციის სუბსიდირებას, ახალშობილ გოგონებზე ფულადი ჯიდოს დაწესებას, ბიჭის გაჩენაზე ჯარიმის დაწესებასა და ახალშობილი ბიჭების უცხოეთში გაშვილებას ითხოვს. Სქრინი ქმნის შთაბეჭდილებას, თითქოს კომენტარი ბაია პატარაიას პირადი ანგარიშით არის გაკეთებული.
23 აგვისტოს მონაცემებით, პოსტს 336 რეაქცია და 455 გაზიარება აქვს. იდენტური ტიპის პოსტები გამოაქვეყნა ანგარიშმა “კაცური კაცის კაცური მიმები” და გვერდებმა “ხელოვნური სუნთქვა,” და “Why Not?.”
Tedo Abashidze-ს მიერ გამოქვეყნებული სქრინი, რომელიც თითქოს ბაია პატარაიას მიერ გაკეთებულ კომენტარს შეიცავს, გაყალბებულია. ბაია პატარაიამ საკუთარ ფეისბუქ ანგარიშზე გამოაქვეყნა პოსტი, სადაც იგი აღნიშნავს, რომ მას მსგავსი ტიპის განცხადება არ გაუკეთებია.
22 აგვისტოს, Tedo Abashidze-ს მიერ გაყალბებული კომენტარის საპასუხოდ, ბაია პატარაიამ საკუთარ Facebook გვერდზე გამოაქვეყნა პოსტი, სადაც მოცემული კომენტარის სიყალბე დაადასტურა და აგრეთვე მის წინააღმდეგ მიმართულ დეზინფორმაცის კამპანიაზე გაამახვილა ყურადღება. Პატარაიამ აღნიშნა, რომ ფეისბუქ მომხმარებელი Tedo Abashidze რეგულარულად ვარცელებს აქტივისტის სახელით ყალბ ინფორმაციას.
აღსანიშნავია ისიც, რომ გაყალბებულ სქრინში ბაია პატარაიას პროფილის ფოტო და მისი რეალური ფეისბუქ პროფილის ფოტო ერთმანეთს არ ემთხვევა.
Ბაია პატარაიას შესახებ დეზინფორმაცია და გაყალბებული ციტატები წარსულშიც გაუვრცელებიათ. ამ თემაზე შეგიძლიათ, იხილოთ “მითების დეტექტორის” მიერ მომზადებული მასალები:
- პოსტი, რომელიც ამტკიცებს, რომ ბაია პატარაიას სიზმარში ჩადენილი გაუპატიურების დასჯას ითხოვს, სატირულია
- “კოგარაში ურიე” და Liberastuli seni ჟურნალისტების ციტატებს აყალბებენ
- “ლურჯი საბჭოთა კავშირი” ბაია პატარაიას პოსტს აყალბებს
- Pressტიტუციამ ქალი აქტივისტების ფეისბუკ პოსტები გააყალბა
- ციტატა, თითქოს პატარაიას სურს, ბავშვები კაცებმაც გააჩინონ, სატირულია
სტატია Facebook-ის ფაქტების გადამოწმების პროგრამის ფარგლებში მომზადდა. მასალებზე, რომელიც ამ სტატიის საფუძველზე Facebook-მა შესაძლოა, სხვადასხვა შეზღუდვა აამოქმედოს. შესაბამისი ინფორმაცია იხილეთ ამ ბმულზე. ჩვენი შეფასების გასაჩივრების და შესწორების შესახებ ინფორმაცია ხელმისაწვდომია ამ ბმულზე.
იხ. მასალის შესწორების დეტალური ინსტრუქცია.
იხ. გასაჩივრების დეტალური ინსტრუქცია.
