13 მაისს ბიზნესმენმა ფადი ასლიმ და ,,ნაციონალურ მოძრაობის” იმერეთის რეგიონული საბჭოს წევრმა, ირაკლი გვალიამ, ასევე ტელეკომპანია ,,ახალმა” ფეისბუქზე გაავრცელეს ჯანდაცვის ყოფილი მინისტრისა და პარლამენტის ყოფილი წევრის, დავით სერგეენკოს შემდეგი ციტატა: “მრცხვენია, რომ ოდესღაც მათთან ვიყავი”. იქიდან გამომდინარე, რომ სერგეენკო “ქართული ოცნების” ყოფილი დეპუტატია, იქმნება შთაბეჭდილება, თითქოს ის მმართველ პარტიაზე საუბრობს.
გავრცელებული ციტატა გაყალბებულია, დავით სერგეენკოს საჯაროდ არ უთქვამს, რომ წარსულში ,,ქართულ ოცნებასთან” ყოფნის რცხვენია. სერგეენკოს ციტატა, მათ შორის, არც ერთი სანდო მედიას არ გამოუქვეყნებია. ციტატის ნამდვილობას თავად სერგეენკოც უარყოფს.
დავით სერგეენკოს ციტატის ღია წყაროებში ძიებით დადგინდა, რომ ის გაყალბებულია და ყოფილ მინისტრს მსგავსი რამ საჯაროდ არ უთქვამს. სერგეენკოს ამგვარი ციტატა საკუთარ ფეისბუქ გვერდსა თუ პირად ანგარიშზე არ გამოუქვეყნებია.
დამატებითი ინფორმაციის მისაღებად ,,მითების დეტექტორი” დავით სერგეენკოს დაუკავშირდა. მან ციტატის ნამდვილობა უარყო და დაადასტურა, რომ ,,მსგავსი რამ არც უთქვამს და არც დაუწერია”.
დავით სერგეენკომ დეპუტატის მანდატი გასულ წელს დათმო. როდესაც 2023 წელს ე.წ. “აგენტების კანონი” პარლამენტში განიხილებოდა, მას სერგეენკომ მხარი არ დაუჭირა.
,,აგენტების კანონის” ხელახალი ინიცირების, განხილვისა და პროტესტის პარალელურად, სოციალურ ქსელში შეცდომაში შემყვანი ცნობები ვრცელდება. სხვადასხვა მიზნით გავრცელებულ ყალბ მტკიცებებს, მათ შორის ციტატებს, ,,მითების დეტექტორი” სისტემატურად ამოწმებს:
- POSTV ე.წ. ,,აგენტების კანონის” საწინააღმდეგო აქციაზე ზურაბ ჭიაბერაშვილის კომენტარს უკონტექსტოდ ავრცელებს
- ,,მთავარი არხის” სახელით გაყალბებული პოსტი ვრცელდება
- ტელეკომპანია იმედი და For.ge ფარულ აუდიოჩანაწერზე დაყრდნობით მცდარ ინფორმაციას ავრცელებენ
სტატია Facebook-ის ფაქტების გადამოწმების პროგრამის
იხ. მასალის შესწორების დეტალური ინსტრუქცია.
იხ. გასაჩივრების დეტალური ინსტრუქცია.