27 ივლისს ტელეკომპანია “პირველის” ფეისბუქ გვერდზე სანაპიროზე რამდენიმე ადამიანის ჩხუბის ამსახველი ვიდეო გამოქვეყნდა. პოსტის აღწერის მიხედვით, ვიდეო ბათუმშია გადაღებული. როგორც ვიდეოში ისმის, ჩხუბში ჩართულები და ასევე ვიდეოს გადამღები, რუსულად ლაპარაკობენ.
ვიდეო არასწორი აღწერით ვრცელდება და ის ბათუმში გადაღებული არ არის. ტელეგრამ არხების თანახმად, სადაც ვიდეო თავდაპირველად გავრცელდა, ვიდეო პრიმორიეს მხარეში, შამორას ყურის სანაპიროზეა გადაღებული.
ვიდეო ტვ “პირველზე” გამოჩენამდე ტელეგრამის არხებმა გამოაქვეყნეს. ის სხვადასხვა რუსულენოვან ტელეგრამ-არხზე ბოლო რამდენიმე დღეა ვრცელდება (1,2,3).
ტელეგრამ-არხებზე გავრცელებული ვიდეოს აღწერების მიხედვით, ვიდეო არა ბათუმში, არამედ რუსეთის შორეულ აღმოსავლეთში, პრიმორიეს მხარეში, შამორას ყურეში, სანაპიროზეა გადაღებული.
ვიდეოში ასევე ჩანს, რომ სანაპირო ოქროსფერ ქვიშიანია, ხოლო ბათუმის სანაპირო ძირითადად ქვიანია და იქ ოქროსფერ ქვიშას არ ვხვდებით.
ტელეგრამ-არხებზე დარყდნობით ვიდეო რუსულენოვან მედიაშიც გაშუქდა(1,2,3).
სტატია Facebook-ის ფაქტების გადამოწმების პროგრამის
იხ. მასალის შესწორების დეტალური ინსტრუქცია.
იხ. გასაჩივრების დეტალური ინსტრუქცია.
