16 ივნისს ფეისბუქ-მომხმარებელმა ზურა ნოზაძემ გამოაქვეყნა ვიდეო, აღწერით: “პერუში 5G ანტენები ამოღებულია რადგან მოსახლეობამ გააცნობიერა მათი საფრთხე.” ვიდეოში ჩანს, თუ როგორ მიმდინარეობს ანტენის ფორმის კონსტრუქციის მოხსნა. პოსტში წყაროდ მითითებულია ტელეგრამ არხი TruckersForFreedom.
ვიდეო ყალბი აღწერით ვრცელდება, რეალურად ვიდეო პერუშია გადაღებული, თუმცა ანტენის დემონტაჟი 5G-ს საფრთხეებს არ უკავშირდება და კერძო კომპანიის მიერ მისი უკანონოდ განთავსების გამო მოხდა.
გავრცელებული ვიდეო ავთენტურია, თუმცა მისი აღწერა რეალობას არ შეესაბამება. სინამდვილეში პერუს დედაქალაქ ლიმაში, მირაფლორესის რაიონში მუნიციპალიტეტმა მოხსნა არალეგალურად დამონტაჟებული სატელეფონო ანტენა, რომელიც 30 მეტრის სიმაღლის იყო და ხის შთაბეჭდილებას ქმნიდა. კერძო კომპანიას, რომელმაც ანტენა დადგა, ავტორიზაცია მუნიციპალიტეტისგან არ ჰქონდა მიღებული და მისი ინსტალაციისთვის არც მეზობლების თანხმობა მიუღია.
აღსანიშნავია, რომ ვიდეო 2019 წლის ნოემბრით თარიღდება, ხოლო ამ პერიოდში პერუში არც ერთი 5G ანტენა არ დამონტაჟებულა.
გავრცელებული ინფორმაცია სხვა ფაქტების გადამოწმების ორგანიზაციებმაც, მათ შორის FACTA NEWS და AFP გადაამოწმეს.
5G ტექნოლოგია ხშირად დეზინფორმაციის და კონსპირაციების საგანი ხდება. ამ თემაზე იხილეთ “მითების დეტექტორის” სტატიები:
- არის თუ არა 5G საფრთხე და უკავშირდება თუ არა ეს ტექნოლოგია COVID-19-ს?
- “წრიულ ღრუბელს” და ვაქცინებს 5G ტექნოლოგიასთან კავშირი არ აქვს
- დაანგრიეს თუ არა ჩინეთში 5G კოშკურა კორონავირუსის გამო?
- უთხრა თუ არა 5G-ზე უარი ბრიტანეთმა HUAWEI-ს?
მოამზადა თინათინ თოფურიძემ
მითების დეტექტორის სტაჟიორი
სტატია Facebook-ის ფაქტების გადამოწმების პროგრამის ფარგლებში მომზადდა. მასალებზე, რომელიც ამ სტატიის საფუძველზე Facebook-მა შესაძლოა, სხვადასხვა შეზღუდვა აამოქმედოს. შესაბამისი ინფორმაცია იხილეთ ამ ბმულზე. ჩვენი შეფასების გასაჩივრების და შესწორების შესახებ ინფორმაცია ხელმისაწვდომია ამ ბმულზე.
იხ. მასალის შესწორების დეტალური ინსტრუქცია.
იხ. გასაჩივრების დეტალური ინსტრუქცია.