პრინცი ჰარისა და მეგან მარკლის შესახებ ვიდეომანიპულაცია ვრცელდება

კითხვის დრო: < 1 minute

კითხვის დრო: < 1 minute

83
VIEWS

2021 წლის 25 სექტემბერს ფეისბუქ მომხმარებელმა ჯერალდ ნიუმანმა პრინცი ჰარისა და მეგან მარკლის ნიუ იორკში ვიზიტის ამსახველი 29 წამიანი ვიდეო გამოაქვეყნა, რომელშიც სამეფო ოჯახის წარმომადგენლები დახურულ სივრცეში პირბადეების გარეშე კამერების წინ რამდენიმე ადამიანთან ერთად პოზირებენ. ჯერალდ ნიუმანი ვიდეოს აღწერაში წერს, რომ პრინცი ჰარი და მისი მეუღლე პირბადეს მხოლოდ სურათებისთვის, “კოვიდ რელიგიის წარმომადგენლებისთვის” საჩვენებლად იკეთებენ.

"

ფეისბუკ ანგარიში პრინცი ჰარისა და მეგან მარკლის ვიდეოს მანიპულაციურად ავრცელებს. რეალურად, მოკლე ვიდეო წყვილის ნიუ იორკის მსოფლიო სავაჭრო ცენტრში სტუმრობისას სურათის გადაღებას ასახავს, როცა მათ პირბადეები კამერის წინ დროებით მოიხსნეს. იგივე მომენტის ამსახველ სხვა ვიდეოებში ჩანს, რომ ფოტოს გადაღებამდეც და შემდეგაც, როგორც ჰარისა და მეგანს, ისე ყველა მათ თანმხლებ პირს პირბადეები ეკეთათ. 

ჯერალდ ნიუმანის მიერ გაზიარებული  ვიდეო Agence France-Presse-ის მიერ 2021 წლის 23 სექტემბერს გამოქვეყნებულივიდეოს მოკლე ფრაგმენტია, რომელიც პრინცი ჰარის, მეგან მარკლის, ნიუ იორკის მერის ბილ დე ბლაზიოს, მერის ოჯახის და ნიუ იორკის გუბერნატორის ქეითი ჰოქულის მსოფლიო სავაჭრო ცენტრში სტუმრობას ასახავს. როგორც AFP-ის კადრებში ჩანს, ტურის მონაწილე ყველა პირს შენობაში პირბადეები უკეთიათ და ნიღბებს მხოლოდ სურათის გადაღებისას, ფოტოგრაფის ინიციატივით იხსნიან. ფოტოს გადაღების შემდეგ კი პირბადეებს კვლავ იკეთებენ და ტურს ისე აგრძელებენ.

პრინცი ჰარი და მეგან მარკლი ნიუ იორკის მსოფლიო სავაჭრო ცენტრს 2021 წლის 23 სექტემბერს ნიუ იორკში თავიანთი ტურის ფარგლებში ეწვივნენ. ამჟამად, ნიუ იორკში პირბადეების ტარება ხალხმრავალ დახურულ სივრცეში სავალდებულოა.


სტატია Facebook-ის ფაქტების გადამოწმების პროგრამის ფარგლებში მომზადდა.  მასალებზე, რომელიც ამ სტატიის საფუძველზე Facebook-მა შესაძლოა, სხვადასხვა შეზღუდვა აამოქმედოს. შესაბამისი ინფორმაცია იხილეთ ამ ბმულზე. ჩვენი შეფასების გასაჩივრების და შესწორების შესახებ ინფორმაცია ხელმისაწვდომია ამ ბმულზე.

იხ. მასალის შესწორების დეტალური ინსტრუქცია.
იხ. გასაჩივრების დეტალური ინსტრუქცია.

დარღვევის ტიპი: ვიზუალური მანიპულაცია
ქვეყანა/ორგანიზაცია: აშშ
წყარო
ასევე დაგაინტერესებს

ბოლო სიახლეები

Welcome Back!

Login to your account below

Retrieve your password

Please enter your username or email address to reset your password.

Add New Playlist