2022 წლის 12 დეკემბერს ფეისბუქ მომხმარებელმა Eduard Jishkariani საქართველოს ეკონომიკისა და მდგრადი განვითარების ყოფილი მინისტრის ვერა ქობალიას შესახებ პოსტი გამოაქვეყნა. აღწერის მიხედვით, ფოტოზე სხეულზე წასმული კრემით ვერა ქობალიაა გამოსახული.
ფოტო პროგრამულადაა დამუშავებული. რეალურად, ფოტოზე ვერა ქობალიას თავი ჩასმულია, ორიგინალ ფოტო კი ინტერნეტში 2008 წლიდან ვრცელდება და მასზე სხვა ქალია გამოსახული.
გავრცელებული ფოტოს ორიგინალი ყველაზე ძველი ვერსია, რომელზეც სხვა ქალია გამოსახული, 2008 წლიდან უნგრულ პორნოსაიტ Goldengate.hu-ზე იძებნება.
საიტზე ფოტო ამჟამად ხელმისაწვდომი აღარაა, თუმცა ის სხვადასხვა გასართობ და პორნოსაიტებზე, მათ შორის homepornbay.com-სა და evilmilk.com-ზე კვლავ იძებნება.
ორიგინალ ფოტოზე ჩანს, რომ მასზე არა ვერა ქობალია, არამედ სხვა ქალია გამოსახული.
ორიგინალ ფოტოზე გამოსახულ ქალს სხეულზე კრემი აქვს წასმული. Whipped Cream Bikini (ათქვეფილი კრემის ბიკინი) პოპულარულ კულტურაში გავრცელებული ტერმინია. მსგავსი კადრები ცნობილ ფილმში Varsity Blues-შიც გვხვდება.
სტატია Facebook-ის ფაქტების გადამოწმების პროგრამის ფარგლებში მომზადდა. მასალებზე, რომლებსაც ამ სტატიის საფუძველზე მიენიჭათ ვერდიქტი, Facebook-მა შესაძლოა, სხვადასხვა შეზღუდვა აამოქმედოს. შესაბამისი ინფორმაცია იხილეთ ამ ბმულზე. ჩვენი შეფასების გასაჩივრების და შესწორების შესახებ ინფორმაცია ხელმისაწვდომია ამ ბმულზე.
იხ. მასალის შესწორების დეტალური ინსტრუქცია.
იხ. გასაჩივრების დეტალური ინსტრუქცია.
