18 მარტს ფეისბუქ-მომხმარებელმა Zizi Tatishvili გაავრცელა თბილისის მერის, კახა კალაძის ფოტო აღწერით: “ვაჰ!.. ეს კალა ასე საინტერესოდ რატომ იწელება და ინაზება?”
ფოტო გააზიარეს 3 ქართულენოვან ჯგუფში: “Free_Misha”, “ერთიანი ნაციონალური მოძრაობის მხარდამჭერები” და “გავერთიანდეთ მტრის წინააღმდეგ და მიშასეული წინსვლის დასაბრუნებლად!”
ფეისბუქ-მომხმარებელი ფოტოფაბრიკაციას ავრცელებს. რეალურად, ფოტო პროგრამულად არის დამუშავებული და მასში კახა კალაძის სახეა ჩასმული.
ფოტო, რომელზეც, ავტორის მტკიცებით, თბილისის მერია გამოსახული, Yandex image search-ის საშუალებით გადავამოწმეთ. საძიებო სისტემის დახმარებით გვხვდება რამდენიმე ფოტო, რომლებითაც ირკვევა, რომ მასზე კახა კალაძე არ არის გამოსახული და ქართველი ფეისბუქ-მომხმარებლის მიერ გავრცელებული ვერსია პროგრამულად დამუშავებულია.
ფოტოს ორიგინალი ვერსია გვხვდება სხვადასხვა რუსულენოვან ვებ-საიტზე, სადაც მოდასა და კაცების ჩაცმის სტილს განიხილავენ (1;2). დამუშავებულ ფოტოზე შეცვლილია ფონი, ასევე, პერანგის ფერი და მასზე დატანილია ბრენდის, Dolce&Gabbana-ს ლოგო.
წყაროს შესახებ:
ფეისბუქ-მომხმარებელ Zizi Tatishvili-ს დეზინფორმაცია წარსულშიც გაუვრცელებია. “მითების დეტექტორის” მიერ მისი ფეისბუქ-პოსტი ყალბ ინფორმაციად არის მონიშნული.
სტატია Facebook-ის ფაქტების გადამოწმების პროგრამის
იხ. მასალის შესწორების დეტალური ინსტრუქცია.
იხ. გასაჩივრების დეტალური ინსტრუქცია.
