Հոկտեմբերի 4-ին «Օբյեկտիվ» հեռուստաընկերության լրատվական թողարկման մեջ հաղորդվեց սյուժե, որտեղ խոսվում է այն մասին, իբր զբոսաշրջիկները Վրաստանի բժշկական հիմնարկություններին լուրջ ֆինանսական վնաս են հասցնում: Առանց վիճակագրական տվյալները բարձրաձայնելու, լրագրողը եզրակացնում էր, որ խոսքը հազարավոր լարի պարտքի մասին է:
Օբյեկտիվ, Լրատվական, 4 հոկտեմբերի, Թակո Մճեդլիշվիլի, լրագրող. Վրաստանը արտասահմանից ժամանած զբոսաշրջիկների պատճառով հազարավոր լարիի վնաս է կրում: Գործը կայանում է նրանում, որ օրինական և բարոյական տեսանկյունից բժիշկները պարտավոր են կրիտիկական վիճակում գտնվող հիվանդին բժշկական օգնություն ցուցաբերել: Իսկ զբոսաշրջիկները շատ դեպքերում հրաժարվում են բուժման գումարը վճարելուց, կամ նրանց ճանապարհորդության ապահովագրական փաթեթը գործունակ չէ: Այս ամենը ֆինանսապես վնաս է հասցնում բժշկական սեկտորին»:
Սյուժեում կիրառված են հինգ տարբեր մանիպուլյացիոն կադրեր, որոնց միջոցով օպերատորը մեծ մասամբ ցույց է տալիս իսլամական կրոնի ծիսակատարություն կատարողների և նույնականացնում է զբոսաշրջիկների հետ, որով փորձում է նրանց նկատմամբ այլատյացության տրամադրություն հրահրել:
«Օբյեկտիվի» սյուժեն շահարկող է, քանզի պետությունը չի պարտավորեցնում բժշկական հիմնարկություններին զբոսաշրջիկներին անվարձահատույց սպասարկել: Իսկ մասնավոր կլինիկաներում ցուցաբերած սպասարկման համար վարձատրություն ստանալու մեխանիզմները և ձևերը ինչպես զբոսաշրջիկների, այնպես էլ Վրաստանի քաղաքացիների դեպքում սահմանվում են անհատականորեն:
Առողջության պահպանության պետական ծրագրերի հաստատման մասին Կառավարության թիվ 77 Որոշմամբ, առողջապահության պետական ծրագրերից օգտվողների շրջանում չկան զբոսաշրջիկներ, ովքեր անձամբ պետք է անկախորեն մարեն շտապ օգնության ծախսերը, թերևս այս ծախսերը տատանվում են 50-100 լարիի սահմաններում: Հետևաբար, մանիպուլյացիոն է բժշկական սեկտորի հազարավոր լարի կազմող պարտքի մեջ զբոսաշրջիկներին մեղադրելը:
Միևնույն ժամանակ, օտարերկրացիների իրավական վիճակի մասին Վրաստանի օրենքը պարզաբանում է, որ առողջությունը պահպանելու իրավունքը տարածվում է ցանկացած օտարերկրացու վրա, թերևս պետությունը մասնավոր կլինիկաներին չի պարտադրում անվարձահատույց սպասարկում ցուցաբերել զբոսաշրջիկների նկատմամբ: Մասնավոր բժշկական հիմնարկությունները անձամբ կարող են մշակել լծակներ: Պարտքը մարելու ընթացակարգը գործում է անհատական ներքին կարգապահության համաձայն:
