Սեպտեմբերի 18-ին էստոնական օնլայն հրատարակություն Estonian World –ը տարածեց,լրատվություն այն մասին, որ Վոլմարտ» ամերիկյան հատավաճառ հսկայական ցանցը, եվրոպական քաղաքագետների բողոքից հետո, վաճառքից լրիվությամբ հանեց խորհրդային խորհրդանիշով մայկաները:
Մայկան, որի վրա պատկերված էր խորհրդային խորհրդանշան մուրճ և մանգաղը, Վոլմարտի կայք-էջի վրա ոչ թե անմիջականորեն Վոլմարտի, այլ ուրիշ ընկերության կողմից էր վաճառվում: Էստոնիայի իշխանության ներկայացուցիչները բողոքի նամակ ուղարկեցին Վոլմարտին և հիշեցրին կոմունիստական ռեժիմի դաժանությունները, ինչին ենթարկվում էր իրենց երկիրը տասնյակ տարիների ընթացքում:
«Մենք հուսալքված ենք այն պատճառով, որ Ամերիկայի Միացյալ Նահանգների՝ աշխարհի ամենախոշոր հատավաճառ հսկան հաշվի չի առնում և կոմունիստական ռեժիմի միլիոնավոր զոհերին չի հարգում: Այդ թվում խորհրդային ռեժիմի կողմից տարհանված ծերերին, նորածիններին և երեխաներին, քաղբանտարկյալներին, այլախոհներին, դիմադրության շարժման անդամներին և բոլոր նրանց, ովքեր կորցրեցին կյանքը, առողջությունը և ընտանիքներին՝ Գուլագում և խորհրդային բռնությունների տարբեր ժամանակներում»:
Արդյունքում, Վոլմարտը ցանցից լրիվությամբ հանեց ապրանքը, որն ընկալվում էր որպես կոմունիզմի միլիոնավոր զոհերի նկատմամբ անպատվություն: Ընկերությունը պարզաբանեց, որ մայկան իրենց կողմից վաճառվող իրերի ցուցակի մեջ չէր մտնում և ոչ էլ խանութում էր վաճառվում և այն ձեռք բերել արդեն հնարավոր չէ ոչ էլ կայք-էջի վրա:
Հատավաճառ հսկա Վոլմարտի եկամուտը տարեկան հասնում է 500 միլիարդի: Իսկ աշխատանք ունեցողների թվաքանակը կազմում է 2.3 միլիոն: Երկու ցուցանիշներով էլ ցանցը աշխարհի լիդեր է: Այսօրվա դրությամբ Վոլմարտը ներկայացված է 28 երկրներում 11 700 խանութներով: Վոլմարտը հնարավորություն է ընձեռում այլ ընկերություններին իրենց կայք-էջի վրա վաճառել արտադրանքը: Ճիշտ այսպես է ընկել կոմունիստական խորհրդանիշ ունեցող մայկան Վոլմարտի կայք-էջի վրա: