ვეტერანი ფეხბურთელის გარდაცვალების ვაქცინაციასთან კავშირზე დეზინფორმაცია ვრცელდება

კითხვის დრო: 2 წუთი

კითხვის დრო: 2 წუთი

ვეტერანი ფეხბურთელის გარდაცვალების ვაქცინაციასთან კავშირზე დეზინფორმაცია ვრცელდება
15
VIEWS

10 იანვარს ფეისბუქ მომხმარებელმა ლადო ჩხეტიანმა საკუთარ გვერდზე გამოაქვეყნა ინფორმაცია ვეტერანი ფეხბურთელის, ეროვნული კატეგორიის არბიტრის, კობა სადილიანის გარდაცვალების შესახებ. ჩხეტიანი მის გარდაცვალებას კორონავირუსის საწინააღმდეგო აცრას უკავშირებს.

1

მტკიცება, რომ ვეტერანი ფეხბურთელის გარდაცვალებას ვაქცინაციასთან რაიმე კავშირი აქვს, მცდარია. ოფიციალური ინფორმაციით, კობა სადილიანის გარდაცვალება კორონავირუსის საწინააღმდეგო ვაქცინას არ უკავშირდება.

ლადო ჩხეტიანის მიერ გამოქვეყნებულ პოსტში მოყვანილია ქუთაისის “ტორპედოს” ფეისბუქ გვერდის მიერ გამოქვეყნებული პოსტის სქრინი. ქუთაისის “ტორპდომ” კობა სადილიანის გარდაცვალების შესახებ ინფორმაცია 8 იანვარს გამოაქვეყნა და მის ოჯახსა და ახლობლებს მიუსამძიმრა. პოსტში არაფერია ნათქვამი გარდაცვალების მიზეზის ან მისი ვაქცინაციასთან კავშირის შესახებ. მიუხედავად ამისა, პოსტის კომენტარებში მომხმარებელთა ნაწილი მის გარდაცვალებას ვაქცინაციას უკავშირებს.

2

ინფორმაციის გადასამოწმებლად “მითების დეტექტორი” დაავადებათა კონტროლის ეროვნულ ცენტრს დაუკავშირდა, სადაც განაცხადეს, რომ კობა სადილიანის გარდაცვალება ვაქცინაციას არ უკავშირდება. გარდა ამისა, დაავადებათა კონტროლის ეროვნულ ცენტრში განმარტავენ, რომ სადილიანი ორჯერადად იყო აცრილი და მეორე აცრიდან 4 თვე იყო გასული, რაც გარდაცვალების ვაქცინაციასთან შესაძლო კავშირს გამორიცხავს.

სოციალურ ქსელში ამა თუ იმ პირის გარდაცვალების კორონავირუსის საწინააღმდეგო აცრებთან კავშირზე დეზინფორმაციის გავრცელების შემთხვევები “მითების დეტექტორს” წარსულშიც არაერთხელ გამოუვლენია. ვრცლად იხილეთ მასალები:


სტატია Facebook-ის ფაქტების გადამოწმების პროგრამის ფარგლებში მომზადდა.  მასალებზე, რომელიც ამ სტატიის საფუძველზე Facebook-მა შესაძლოა, სხვადასხვა შეზღუდვა აამოქმედოს. შესაბამისი ინფორმაცია იხილეთ ამ ბმულზე. ჩვენი შეფასების გასაჩივრების და შესწორების შესახებ ინფორმაცია ხელმისაწვდომია ამ ბმულზე.

იხ. მასალის შესწორების დეტალური ინსტრუქცია.
იხ. გასაჩივრების დეტალური ინსტრუქცია.

დარღვევის ტიპი: დეზინფორმაცია
წყარო
ასევე დაგაინტერესებს

ბოლო სიახლეები

Welcome Back!

Login to your account below

Retrieve your password

Please enter your username or email address to reset your password.

Add New Playlist