31 მაისს ფეისბუქ-მომხმარებელმა Fantina Georgian გამოაქვეყნა ფოტო სათაურით – „კანადის ყურცქვიტა და ცელქი პრემიერი ტრიუდო.” აღწერის მიხედვით, ფოტოზე კანადის პრემიერ-მინისტრი ჯასტინ ტრუდოა გამოსახული, რომელიც ანიმაციური გმირების ტანისამოსშია გამოწყობილი.
სოციალურ ქსელში გავრცელებული ფოტო პროგრამულადაა დამუშავებული და ყალბი აღწერით ვრცელდება. ფოტოს ავთენტურ ვერსიაზე კანადის პრემიერ-მინისტრის ნაცვლად, უცნობი მამაკაცია გამოსახული.
ფოტოს გადამოწმება საძიებო ხელსაწყო TinEye-ს საშუალებით მოხდა. ფოტოს ყველაზე მეტად გავრცელებულ ვერსიაზე ჯასტინ ტრუდოს ნაცვლად უცნობი მამაკაცია გამოსახული.
მნიშვნელოვანია, რომ ფოტოების ისეთი დეტალი, როგორიცაა სახის ფორმა, იდენტურია, რაც გვაძლევს საშუალებას, დავასკვნათ, რომ ტრიუდოს ფოტო სწორედ მოცემული ფოტოს მოდიფიკაციითაა მიღებული. ტრუდოსა და ორიგინალ ფოტოზე გამოსახულ მამაკაცს ერთმანეთისგან განსხვავებული თვალები და ცხვირის ფორმა აქვთ.
აღსანიშნავია, რომ ფოტო, რომელშიც სხვადასხვა ადამიანის სახე პროგრამულადაა ჩამატებული, ინტერნეტში 2008 წლიდან იძებნება.
ჯასტინ ტრუდოს დისკრედიტაციისაკენ მიმართული ვიზუალური მანიპულაცია “მითების დეტექტორმა” წარსულშიც გადაამოწმა. ვრცლად, იხილეთ:
მითების დეტექტორის სტაჟიორი
სტატია Facebook-ის ფაქტების გადამოწმების პროგრამის ფარგლებში მომზადდა. მასალებზე, რომელიც ამ სტატიის საფუძველზე Facebook-მა შესაძლოა, სხვადასხვა შეზღუდვა აამოქმედოს. შესაბამისი ინფორმაცია იხილეთ ამ ბმულზე. ჩვენი შეფასების გასაჩივრების და შესწორების შესახებ ინფორმაცია ხელმისაწვდომია ამ ბმულზე.
იხ. მასალის შესწორების დეტალური ინსტრუქცია.
იხ. გასაჩივრების დეტალური ინსტრუქცია.