12 დეკემბრიდან რუსულენოვანი ტელეგრამ-არხები სატირული გამოცემის Babylon Bee-ს პოსტის სქრინშოთს ავრცელებდნენ (1,2,3,4). პოსტების თანახმად, უკრაინის პრეზიდენტი ვოლოდიმირ ზელენსკი სავაჭრო ცენტრში სანტა კლაუსის მუხლებზე მჯდარი შეამჩნიეს და მან სანტას დამატებით 50 მილიარდი დოლარი სთხოვა. 12 დეკემბერს რუსულენოვანმა საინფორმაციო სააგნტომ Мрiя ტელეგრამში გავრცელებული პოსტი თავის რუბრიკაში “ტელეგრამის მიმოხილვა” გამოაქვეყნა.
ინფორმაცია, რომ ზელენსკი სავაჭრო ცენტრში სანტა კლაუსთან ერთად შეამჩნიეს, სატირაა და ინგლისურენოვანი სატირული გამოცემის The Babylon Bее-ის გამოგონილია.
სატირულმა გამოცემამ The Babylon Bee 12 დეკემბერს გამოაქვეყნა სტატია, რომლის თანახმად ზელენსკი სავაჭრო ცენტრში სანტა კლაუსთან ერთად შენიშნეს და მან სანტას 50 მილიარდი დოლარი სთხოვა.
გამოცემის საიტზე “ჩვენს შესახებ” განყოფილებაში აღნიშნულია, რომ გამოცემა სატირული შინაარსის გამოგონილ ამბებს აქვეყნებს, თუმცა ტელეგრამზე გავრცელებულ პოსტებში მითითებული არ არის, რომ ინფორმაცია სატირული შინაარსისაა.
Babylon Bee-ს სატირულ მასალებზე დაყრდნობით სხვადასხვა ინფორმაცია წარსულშიც არაერთხელ გავრცელდა:
- აპირებს თუ არა Mattel ახალი თოჯინის „ორსული კენის“ გამოშვებას?
- თქვა თუ არა CNN-ის წამყვანმა, რომ რუსეთ-უკრაინის ომი მიოკარდიტს იწვევს?
- გაუუქმა თუ არა ჯო ბაიდენმა ვლადიმირ პუტინს Twitter-ზე გამოწერა?
- გერმანიაში არავაქცინირებულების საკონცენტრაციო ბანაკებში გადაყვანაზე დეზინფორმაცია სატირულ ვებ-გვერდზე დაყრდნობით ვრცელდება
- საჭიროა თუ არა ვაქცინაცია ახალი iPhone 13-ის ეკრანის განსაბლოკად?
- ითხოვს თუ არა რომის პაპი სამოთხეში მოსახვედრად ვაქცინაციას?
სტატია Facebook-ის ფაქტების გადამოწმების პროგრამის ფარგლებში მომზადდა. მასალებზე, რომლებსაც ამ სტატიის საფუძველზე მიენიჭათ ვერდიქტი, Facebook-მა შესაძლოა, სხვადასხვა შეზღუდვა აამოქმედოს. შესაბამისი ინფორმაცია იხილეთ ამ ბმულზე. ჩვენი შეფასების გასაჩივრების და შესწორების შესახებ ინფორმაცია ხელმისაწვდომია ამ ბმულზე.
იხ. მასალის შესწორების დეტალური ინსტრუქცია.
იხ. გასაჩივრების დეტალური ინსტრუქცია.
