20 ივლისს ფეისბუკ-მომხმარებელმა ჯორდანო ბრუნო ჯო ბაიდენის შესახებ სტატიის სქრინი გამოაქვეყნა, რომელშიც აღნიშნულია, რომ ბაიდენის თქმით, აშშ-ის ეკონომიკა ისეთივე დინამიკური და ჯანმრთელია, როგორც იგი.
იგივე ინფორმაცია ფეისბუკის რუსულენოვან ანგარიშებზე (1, 2, 3, 4, 5, 6, 7) ივნისშიც ვრცელდებოდა.
ინფორმაცია, თითქოს ჯო ბაიდენმა აშშ-ის ეკონომიკა საკუთარ ჯანმრთელობას შეადარა სატირაა და გამოცემა “Babylon Bee”- მ გამოიგონა.
14 ივნისს სატირული გამოცემის -“Babylon Bee”-ის ვებ-გვერდზე ჯო ბაიდენის შესახებ სატირული სტატია გამოქვეყნდა, რომელშიც აღნიშნულია, რომ ბაიდენმა მოსალოდნელი ეკონომიკური რეცესიის გამო შიშით შეპყრობილი ამერიკელების დამშვიდება სცადა და თქვა, რომ აშშ-ის ეკონომიკა ისეთივე დინამიკური და ჯანსაღია, როგორც თავად ის.
“ხალხო, არაფერი გაქვთ სანერვიულო…ეკონომიკა ისეთივე დინამიკური და ჯანსაღია, როგორც ბებერი ჯო!” – უთხრა ბაიდენმა 12 წლის გოგოს, რომელიც MSNBC-ის რეპორტიორში აერია.- აღნიშნულია ბაბილონ ბის სტატიაში.
“Babylon Bee” ცნობილი სატირული გამოცემაა და მათი მისიის განაცხადშიც მკაფიოდ არის ხაზგასმული გამოცემის სატირული ბუნების შესახებ.
Babylon Bee-ს სატირულ მასალებზე დაყრდნობით გავრცელებული ყალბი ცნობები მითების დეტექტორმა წარსულშიც არაერთხელ გადაამოწმა. ვრცლად იხილეთ:
- აპირებს თუ არა MATTEL ახალი თოჯინის „ორსული კენის“ გამოშვებას?
- თქვა თუ არა CNN-ის წამყვანმა, რომ რუსეთ-უკრაინის ომი მიოკარდიტს იწვევს?
- გაუუქმა თუ არა ჯო ბაიდენმა ვლადიმირ პუტინს Twitter-ზე გამოწერა?
- გერმანიაში არავაქცინირებულების საკონცენტრაციო ბანაკებში გადაყვანაზე დეზინფორმაცია სატირულ ვებ-გვერდზე დაყრდნობით ვრცელდება
- საჭიროა თუ არა ვაქცინაცია ახალი iPhone 13-ის ეკრანის განსაბლოკად?
- ითხოვს თუ არა რომის პაპი სამოთხეში მოსახვედრად ვაქცინაციას?
სტატია Facebook-ის ფაქტების გადამოწმების პროგრამის ფარგლებში მომზადდა. მასალებზე, რომელიც ამ სტატიის საფუძველზე Facebook-მა შესაძლოა, სხვადასხვა შეზღუდვა აამოქმედოს. შესაბამისი ინფორმაცია იხილეთ ამ ბმულზე. ჩვენი შეფასების გასაჩივრების და შესწორების შესახებ ინფორმაცია ხელმისაწვდომია ამ ბმულზე.
იხ. მასალის შესწორების დეტალური ინსტრუქცია.
იხ. გასაჩივრების დეტალური ინსტრუქცია.
