12 მაისს ფეისბუქ მომხმარებელმა ნონა შარაბიძემ რომის პაპის ფოტოკოლაჟი გამოაქვეყნა. ფოტოებზე ჩანს, რომ პაპს მხრებზე ლგბტქ+ დროშა აქვს შემოხვეული. ფოტოს დართული აქვს რუსულენოვანი წარწერა: ,,რუსეთი ქრისტიანული სამყაროს ბოლო საყრდენია. კათოლიციზმი დამთავრდა”. ნონა შარაბიძე წერს, რომ რუსეთი ერთადერთია, ვისაც მართლმადიდებლობის მტრებთან დაპირისპირება შეუძლია.
გასულ წლებში იმავე ფოტოს იყენებდა პრორუსული ონლაინ მედია ,,საქართველო და მსოფლიო”.
გავრცელებული ფოტო რეალური არ არის და ის ხელოვნური ინტელექტის (AI) მიერაა გენერირებული. ფოტოკოლაჟზე დაკვირვებითაც ჩანს, რომ მასზე რამდენიმე უზუსტობაა, რაც ხელოვნური ინტელექტის მიერ გენერირებულ ფოტოებს ახასიათებს.
ფოტო, თითქოს რომის პაპს ლგბტქ+ საზოგადოების დროშა აქვს მოხვეული, პირველად ქვიარ თემებისადმი დათმობილი პლატფორმის Gay Forest-ის სოციალური მედიის გვერდებზე გავრცელდა. Gay Forest-ი ფოტოების აღწერაში ე.წ. ჰეშთეგებით მიუთითებს, რომ ისინი ხელოვნური ინტელექტის პროგრამის, MidJourney-ს მეშვეობითაა შექმნილი.
რომის პაპის ფოტო ფრანგული გამოცემა AFP-ის ფაქტების გადამოწმების მიმართულებამ გადაამოწმა და ფოტოზე რამდენიმე უზუსტობაც შეამჩნია. თითოეულ მათგანში ლგბტქ+ დროშის ფერები არასიმეტრიულ ხაზებადაა განლაგებული, ზოგიერთ ადგილას ფერები კარგად არ გაირჩევა, თავად დროშაც არასიმეტრიული, ზოგგან უფორმო და დაუსრულებელია.
რომის პაპზე ვიზუალური მანიპულაციები ადრეც გავრცელებულა, რაც ,,მითების დეტექტორმა” გადაამოწმა:
- სოციალურ ქსელში რომის პაპის AI-ის მიერ გენერირებული ფოტო გამოჩნდა
- მსოფლიოს საიდუმლო მმართველები თუ ჰოლოკოსტს გადარჩენილები – ვის ემთხვია ხელზე რომის პაპი?
- რას განასახიერებს ზელენსკის მიერ პაპისთვის ნაჩუქარი ღვთისმშობლის ნახატი?
წყაროს შესახებ:
ფეისბუქ მომხმარებელი, ნონა შაბარიძე ანტიდასავლური შინაარსის მცდარ ინფორმაციას და კრემლისტურ ნარატივებს რეგულარულად ავრცელებს. ,,მითების დეტექტორმა” შარაბიძის მიერ გავრცელებული ცნობები აქამდეც არაერთხელ გადაამოწმა.
არქივის ბმული
სტატია Facebook-ის ფაქტების გადამოწმების პროგრამის
იხ. მასალის შესწორების დეტალური ინსტრუქცია.
იხ. გასაჩივრების დეტალური ინსტრუქცია.
