რას ასახავს ვიდეო, რომელსაც ბავშვთა მსხვერპლშეწირვის ადგილს მიაწერენ?

კითხვის დრო: 2 წუთი

კითხვის დრო: 2 წუთი

64
VIEWS

20 ოქტომბერს  ფეისბუქ მომხმარებელმა ნიკა კობერიძემ  გამოაქვეყნა ვიდეო, სადაც, მისი თქმით, ბავშვთა მსხვერპლშეწირვის ადგილია ასახული. ვიდეოში ვხედავთ ქალს, რომელიც ვიდეოს გადამღებს მიწისქვეშა თეატრში ჩასასვლელ კიბეს აჩვენებს. აღწერის მიხედვით, ეს  იატაკქვეშა ადგილი გლობალური ელიტის მიერ მსხვერპლშეწირვისთვის საჭირო რიტუალების ჩასატარებლად გამოიყენება. 

Მტკიცება იმის შესახებ, რომ ვიდეოში ასახული ადგილი ბავშვთა მსხვერპლშეწირვის ადგილია, კონსპირაციის თეორიაა და მტკიცებულებებს არ ეფუძნება. Რეალურად, ვიდეო ერთ-ერთ ტურისტულ კომპანიას ეკუთვნის და ის სიცილიის დონაფუგატას  სასახლეში მდებარე მე-19 საუკუნის თეატრშია გადაღებული.

Ვიდეოში ასახული თეატრი იტალიაში, სიცილიის კუნძულზე, ქალაქ რაგუზაში მდებარე Donnafugata-ს თეატრია. ის მე-19 საუკუნის პირველი ნახევრით თარიღდება და  დონაფუგატას სასახლეში, რაგუზას ერთ-ერთი ყველაზე მნიშვნელოვან სასახლეშია განთავსებული. ვინაიდან თეატრი მიწის ქვეშ მდებარეობს, მისი მთავარი მახასიათებელი სრულყოფილი აკუსტიკაა. თეატრის ამჟამინდელი მფლობელი სალვატორე სკუზესი ხშირად კმაყოფილებით აღნიშნავს, რომ მის თეატრში “მიკროფონები სრულად აკრძალულია!“. დონაფუგატა რაგუზას ერთადერთი თეატრია და ერთდროულად მხოლოდ 100 მაყურებლის მიღება შეუძლია. ამის გამო ის ევროპის ყველაზე პატარა თეატრებს შორისაა და 2006 წელს  პრესტიჟული Eurispes  ჯილდოც მიენიჭა.

ვიდეოს  ყველაზე ადრინდელი ვერსია ფეისბუქზე 27 იანვარს იტალიურმა ტურისტულმა კომპანიამ საკუთარ გვერდზე გამოაქვეყნა.

კომპანიის მიერ პოსტზე თანდართულ აღწერაში ამ სიცილიური თეატრის მახასიათებლების, მისი ზომისა და მდებარეობის შესახებ ინფორმაციაა მოცემული. Აღწერის მიხედვით, თეატრი იტალიის დიდი ოპერის თეატრის მინიატურულ ვერსიას წარმოადგენს და მისი მცირე ზომის მიუხედავად, ყველა სახის დასაჯდომები აქვს, მათ შორის პარტერიც კი. 

ფეისბუქ გვერდზე იტალიის სხვადასხვა ღირსშესანიშნაობის შესახებ არაერთი ვიდეო და ინფორმაცია ქვეყნდება. 

კონსპირაციები ელიტების მიერ ბავშვების მსხვერპლად შეწირვის შესახებ წლებია მოძრაობა QAnon-ის წევრების მიერ აქტიურად ვრცელდება. QAnon-ის შეთ­ქმუ­ლე­ბის თე­ო­რი­ების მი­ხედ­ვით, მსოფ­ლი­ოს სატანის მოციქულთა საიდუმლო ჯგუფი მარ­თავს, რომელიც გლო­ბა­ლუ­რი მას­შტა­ბით ბავ­შვთა ტრე­ფი­კინ­გის ქსელს ხელმძღვანელობს.

QAnon-ს შესახებ შეთქმულების თეორიებზე “მითების დეტექტორი” ადრეც წერდა, ვრცლად იხილეთ


ანასტასია ცალუღელაშვილი
კონკურსის “ყველაზე მედიაწიგნიერი ახალგაზრდა” გამარჯვებული 


“სტატია Facebook-ის ფაქტების გადამოწმების პროგრამის ფარგლებში მომზადდა. მასალებზერომლებსაც ამ სტატიის საფუძველზე მიენიჭათ ვერდიქტი, Facebook-მა შესაძლოა, სხვადასხვა შეზღუდვა აამოქმედოს.”  შესაბამისი ინფორმაცია იხილეთ ამ ბმულზე. ჩვენი შეფასების გასაჩივრების და შესწორების შესახებ ინფორმაცია ხელმისაწვდომია ამ ბმულზე.

იხ. მასალის შესწორების დეტალური ინსტრუქცია.
იხ. გასაჩივრების დეტალური ინსტრუქცია.

თემატიკა: სხვა
დარღვევის ტიპი: კონსპირაცია
ქვეყანა/ორგანიზაცია: იტალია
წყარო
ასევე დაგაინტერესებს

ბოლო სიახლეები

Welcome Back!

Login to your account below

Retrieve your password

Please enter your username or email address to reset your password.

Add New Playlist