„ქართული ოცნება“ 2012 წლის თებერვალში ქართველმა მილიარდელმა – ბიძინა ივანიშვილმა დააფუძნა და დააფინანსა. 2012 წლის საპარლამენტო არჩევნებში კოალიციამ ,,ქართული ოცნება“ ხმათა 54%-ით გაიმარჯვა, საპარლამენტო უმრავლესობა მოიპოვა, რითაც ხელისუფლების არჩევნების გზით შეცვლის პირველი პრეცედენტი შეიქმნა. 2016 წლის საპარლამენტო არჩევნების წინ კოალიცია, რომელიც 6 სუბიექტისგან შედგებოდა დაიშალა, ხოლო პარტიამ არჩევნებში საკონსტიტუციო უმრავლესობა მოიპოვა. საპარლამენტო უმრავლესობაში ქართული ოცნების გარდა, ამჟამად ისევ შედიან მრეწველები, კონსერვატორები, მწვანეები, სოციალ-დემოკრატები და ფრაქცია რეგიონული განვითარებისთვის. კოალიციაში შემავალი ცალკეული სუბიექტები ანტიდასავლური, ჰომოფობიური და ქსენოფობიური განცხადებებით გამოირჩეოდნენ.