თამაზ მეჭიაური ერთიანი საქართველოსთვის საჯარო რეესტრის მონაცემებით, 1998 წლის 27 თებერვალს დარეგისტრირდა. პარტიის თავმჯდომარეა თამაზ მეჭიაური, რომელიც 2012 წელს პარლამენტში კოალიცია „ქართული ოცნების“ სიით მოხვდა. 2016 წლის საპარლამენტო არჩევნებში კი დამოუკიდებლად, საკუთარი პარტიის სახელით მონაწილეობდა. წესდების მიხედვით, პარტიის ერთ-ერთი მიზანი ქართველი ერის გაერთიანება, ეროვნული მსოფლმხედველობის და ტრადიციების განმტკიცება და დაცვაა.
2016 წლის მონიტორინგმა აღნიშნული პარტიის მხრიდან 16 სიძულვილის ენის შემთხვევა გამოავლინა, საიდანაც 15 ჰომოფობიური იყო.
