Politicano საბჭოთა ნოსტალგიას 1991 წლის დემონსტრაციის ამსახველი მანიპულაციური ფოტოთი აღვივებს

კითხვის დრო: 2 წუთი

კითხვის დრო: 2 წუთი

შჰ
389
VIEWS

24 ივლისს, Facebook გვერდმა პოლიტიკანომ გამოაქვეყნა ფოტო, რომელზეც თანდართული აღწერილობის თანახმად, მოსკოვში 1991 წლის 10 მარტს სსრკ-ს შენარჩუნების მოთხოვნით გამართული ყველაზე მასობრივი ოპოზიციური დემონსტრაციაა ასახული.
"
პოლიტიკანოს მიერ გამოქვეყნებული ფოტო დამუშავებულია და  შეიცავს დუბლირებულ მონაკვეთებს. ორიგინალი ფოტო Associated Press-ის ფოტოგრაფის დომინიკ მოლარდის მიერაა გადაღებული და 1991 წლის 10 მარტს, მოსკოვში მანეჟის მოედანზე გამართულ მასობრივ დემონსტრაციას ასახავს. აქციის ორგანიზატორები პარტია “დემოკრატიული რუსეთი” , “მოსკოვის ამომრჩეველთა ასოციაცია” და საზოგადოება “ მემორიალი”  იყვნენ. აქციის მთავარი მოთხოვნები იყო მიხეილ გორბაჩოვის გადადგომა, ბორის ელცინის მხარდაჭერა და აქტიური მონაწილეობა რეფერენდუმში, რომელსაც სსრკ-ს მომავალი უნდა გადაეწყვიტა. დემონსტრაციას 500 000მ-დე ადამიანი ესწრებოდა და ეს იყო ერთ-ერთი ყველაზე დიდი მასობრივი პროტესტი 73 წლიანი კომუნისტური მმართველობის  განმავლობაში.  სსრკ-ს მომავალთან დაკავშირებული რეფერენდუმი 17 მარტს გაიმართა, რომელშიც მონაწილეთა 76%-მა სსრკ-ს შენარჩუნებას დაუჭირა მხარი.

დამუშავებული ფოტო ამერიკული გამოცემა The Atlantic-ის მკითხველებმა აღმოაჩინეს, რაც თავის მხრივ კიდევ ერთ დემონსტრაციას უკავშირდებოდა.

2012 წლის 4 თებერვალს, მოსკოვში, 19 გრადუსიან ყინვაში ათეულობით ათასი ადამიანი რუსეთის პრეზიდენტის, ვლადიმირ პუტინის გადადგომის მოთხოვნით გამოვიდა. დემონსტრაციის ამსახველი ფოტოები აქტიურად გავრცელდა Facebook-ში, Tumblr-სა და სხვა პლატფორმებზე. პოლიტიკანოს მიერ გამოქვეყნებული ზემოხსენებული ფოტო ერთ-ერთი იყო, რომელსაც   2012 წლის დემონსტრაციის ამსახველ ფოტოდ ასაღებდნენ. The Atlantic-ს დაუკავშირდა რამოდენიმე მკითხველი, რომლებმაც შეამჩნიეს, რომ ფოტო დუბლირებულ მონაკვეთებსაც შეიცავდა.

"

"
ფოტოები: The Atlantic

ფოტოს ავთენტურობის დადგენის მიზნით, The Atlantic დაუკავშირდა საინფორმაციო სააგენტო Associated Press-ს, სადაც მცირე მოკვლევის შემდეგ დაადასტურეს, რომ როგორც ჩანს  ფოტო გადანათებული კადრის ეფექტის მოხსნის მიზნით მართლაც დამუშავებული იყო. Associated Press-ში ასევე განაცხადეს, რომ ფოტოს ამგვარი დამუშავება ეწინააღმდეგებოდა მათ ფასეულობებსა და პრინციპებს. მოგვიანებით Associated Press-მა საკუთარ არქივში ფოტოს დამუშავებული ვერსია წაშალა და ის დაუმუშავებელი ვერსიით ჩაანაცვლა.

"
ფოტო: Associated Press-ის ფოტოგრაფის, დომინიკ მოლარდის მიერ გადაღებული ფოტო. დაუმუშავებელი ვერსია


მითების დეტექტორის ლაბორატორია

თემატიკა: ისტორია
დარღვევის ტიპი: ვიზუალური მანიპულაცია
ქვეყანა/ორგანიზაცია: რუსეთი
წყარო

წყარო

პოლ
პოლიტიკანო
ასევე დაგაინტერესებს

ბოლო სიახლეები

Welcome Back!

Login to your account below

Retrieve your password

Please enter your username or email address to reset your password.

Add New Playlist