1 მარტს ფეისბუკ ანგარიშმა მრისხანე ბაბუაწვერა გამოაქვეყნა სქრინი, რომელზეც ფონდი “ფემინას” დამფუძნებლის ნინო ბაისონაშვილის ფეისბუკ პოსტია ასახული. პოსტზე ძალადობრივი და კრემლისტური ტვ “ალტ-ინფოს” წამყვანის თათია გაბრიჭის ფოტოა ასახული, რომელსაც ნინო ბაისონაშვილის შემდეგი კომენტარი ერთვის თან: “ამ ჟურნალისტის მიმართ იმიტომ მოდის ამხელა ზიზღი, რადგან ქალია. თორემ ალტინფოს კაცი წამყვანებიც იგივეს იმეორებენ ეთერში სულ”.
აღნიშნულ პოსტს, რომელზეც მრისხანე ბაბუაწვერას Tedo Abashidze-ის პროფილი აქვს მოთაგული, ნინო ბაისონაშვილის მიმართ ნეგატიური კომენტარები ერთვის თან.
“ფემინას” დამფუძნებლის სახელით გავრცელებული პოსტი “ალტ-ინფოს” წამყვანის შესახებ გაყალბებულია. 1 მარტს ბაისონაშვილის პროფილზე მსგავსი შინაარსის პოსტი არ იძებნება.
ორგანიზაცია “ფემინას” დამფუძნებლის პირად ფეისბუკ გვერდზე მსგავსი შინაარსის პოსტი არ იძებნება. 1 მარტს ნინო ბაისონაშვილს არაერთი პოსტი აქვს გამოქვეყნებული, მაგრამ არცერთი მათგანი “ალტ-ინფოს” წამყვან თათია გაბრიჭიძეს არ შეეხება. ბაისონაშვილის პოსტების უმრავლესობა უკრაინის მხარდამჭერია და ხელისუფლების მიმართ კრიტიკასაც შეიცავს.
უფრო მეტიც, ბაისონაშვილს, როგორც 1 მარტს, ასევე შემდეგ დღეებში გამოქვეყნებული აქვს პოსტები, რომლითაც “ალტ-ინფოს” და მასთან დაკავშირებულ კონსერვატიულ მოძრაობას აკრიტიკებს.
მრისხანე ბაბუაწვერას და Tedo Abashide-ს პროფილები გენდერის საკითხებზე მომუშავე სხვა აქტივისტების პოსტებსაც ხშირად აყალბებენ. სავარაუდოდ, ორივე პროფილს ერთიდაიგივე ადამიანი მართავს.
- ითხოვს თუ არა ბაია პატარაია ბიჭების რაოდენობის შესამცირებელ და გოგონების შობადობის წამახალისებელ რეგულაციებს?
- პოსტი, რომელიც ამტკიცებს, რომ ბაია პატარაიას სიზმარში ჩადენილი გაუპატიურების დასჯას ითხოვს, სატირულია
სტატია Facebook-ის ფაქტების გადამოწმების პროგრამის ფარგლებში მომზადდა. მასალებზე, რომელიც ამ სტატიის საფუძველზე Facebook-მა შესაძლოა, სხვადასხვა შეზღუდვა აამოქმედოს. შესაბამისი ინფორმაცია იხილეთ ამ ბმულზე. ჩვენი შეფასების გასაჩივრების და შესწორების შესახებ ინფორმაცია ხელმისაწვდომია ამ ბმულზე.
იხ. მასალის შესწორების დეტალური ინსტრუქცია.
იხ. გასაჩივრების დეტალური ინსტრუქცია.