პარიზი თუ მოსკოვი – სად არის გადაღებული მუსლიმთა ლოცვის ამსახველი კადრები?

კითხვის დრო: 2 წუთი

კითხვის დრო: 2 წუთი

551
VIEWS

9 ივნისს სოციალურ ქსელში  30 წამიანი ვიდეო გავრცელდა, რომელშიც მუსლიმთა დიდმასშტაბიანი სახალხო ლოცვაა აღბეჭდილი. პოსტის ავტორი წარწერით “პარიზი დღესს” – ამტკიცებს, რომ კადრები პარიზში, იმავე დღეს, 9 ივნისს არის გადაღებული.

muslimi mlotsvelebi1 პარიზი თუ მოსკოვი - სად არის გადაღებული მუსლიმთა ლოცვის ამსახველი კადრები?

გავრცელებული კადრები მცდარი აღწერით ვრცელდება. ვიდეოში ნაჩვენები მუსლიმთა სალოცავი რეალურად მოსკოვის საკათედრო მეჩეთია და შესაბამისად, არა პარიზში, არამედ რუსეთში მდებარეობს. ვიდეო ინტერნეტში 2022 წლიდან იძებნება.

ვიდეო ინტერნეტში 2022 წლიდან იძებნება და ყველაზე ადრე  3 მაისს X ანგარიშზე, حمود الطوقي  არის გამოქვეყნებული. კადრები, ამავე დღეს, ოდნავ მოგვიანებით თურქულმა ყოველდღიურმა გაზეთმა – Yeni Akit-მაც გაავრცელა.

muslimi mlotsvelebi2 პარიზი თუ მოსკოვი - სად არის გადაღებული მუსლიმთა ლოცვის ამსახველი კადრები? muslimi mlotsvelebi3 პარიზი თუ მოსკოვი - სად არის გადაღებული მუსლიმთა ლოცვის ამსახველი კადრები?

კადრების ადგილმდებარეობა Google Maps -ის მეშვეობითაც გადავამოწმეთ და დადასტურდა რომ აღნიშნული სალოცავი არა პარიზში, არამედ მოსკოვში მდებარეობს.

muslimi mlotsvelebi4 პარიზი თუ მოსკოვი - სად არის გადაღებული მუსლიმთა ლოცვის ამსახველი კადრები?
ფოტო Google Maps– დან

კადრებში შეკრებილი მუსლიმები რელიგიურ დღესასწაულს – ყურბან-ბაირამს, იგივე იდ ალ ადჰას, აღნიშნავენ. საყოველთაო მუსლიმური დღესასწაული რუსეთშიც მრავალრიცხოვანი შეკრებისა და ლოცვის სახით, ყოველწლიურად აღინიშნება, რაზეც გავრცელებული კადრები მიუთითებს. The Moscow Times-ის მიხედვით, 2022 წლის 2 მაისს მოსკოველმა მუსლიმებმა რამადანის წმინდა თვის დასასრული მოსკოვის საკათედრო ტაძართან იზეიმეს.

ამ დღესასწაულთან დაკავშირებული მუსლიმური სახალხო ლოცვა მოსკოვში ჯერ კიდევ 2013 წელს ფიქსირდება. კერძოდ, პლატფორმა X-ზე მომხმარებელმა ოლღა ივშინამ 2013 წლის ოქტომბერში გაავრცელა ფოტო, რომელიც ასახავდა მუსლიმების მიერ ყურბან-ბაირამის აღნიშვნას.

muslimi mlotsvelebi5 პარიზი თუ მოსკოვი - სად არის გადაღებული მუსლიმთა ლოცვის ამსახველი კადრები?

The Moscow Times-ის მიხედვით, იდ ალ ადჰა მოსკოვში 2023 წელსაც აღინიშნა.

აღნიშნული ვიდეო არასწორი აღწერით სხვადასხვა ქვეყანაში 2022 წლიდან ვრცელდება და არაერთმა ფაქტების გადამოწმების ორგანიზაციამ ( Newschecker, Alt News, AFP Fact Check, You Turn ) გადაამოწმა.  

წყაროს შესახებ:

ფეისბუქ ანგარიში ფანტინა ფანტინა მის სხვა ანგარიშებთან ერთად ყალბ ინფორმაციას რეგულარულად ავრცელებს. “მითების დეტექტორმა” ანგარიშის მიერ გავრცელებული დეზინფორმაცია წარსულშიც არაერთხელ გადაამოწმა


ირინა სამაკაშვილი

მითების დეტექტორის ლაბორატორია


სტატია Facebook-ის ფაქტების გადამოწმების პროგრამის ფარგლებში მომზადდა. მასალებზე, რომლებსაც ამ სტატიის საფუძველზე მიენიჭათ ვერდიქტი, Facebook-მა შესაძლოა, სხვადასხვა შეზღუდვა აამოქმედოს.  შესაბამისი ინფორმაცია იხილეთ ამ ბმულზე. ჩვენი შეფასების გასაჩივრების და შესწორების შესახებ ინფორმაცია ხელმისაწვდომია ამ ბმულზე.

იხ. მასალის შესწორების დეტალური ინსტრუქცია.
იხ. გასაჩივრების დეტალური ინსტრუქცია.

თემატიკა: რელიგია
დარღვევის ტიპი: ვიზუალური მანიპულაცია
ქვეყანა/ორგანიზაცია: რუსეთი, საფრანგეთი
წყარო

ბოლო სიახლეები

Welcome Back!

Login to your account below

Retrieve your password

Please enter your username or email address to reset your password.

Add New Playlist