28 ოქტომბერს ფეისბუქ გვერდმა Samegrelo Times • სამეგრელო თაიმს ნაციონალური მოძრაობის სენაკის მერობის კანდიდატის კობა ნაყოფიას შესახებ პოსტი გამოაქვეყნა. აღწერის მიხედვით, ნაყოფია უკრაინის ერთ-ერთი მეტალორგიული ქარხნის დირექტორად დაინიშნა, კიევში გასამგზავრებლად ბილეთი უკვე შეიძინა და უკრაინაში გადასვლას 4 ნოემბერს გეგმავს.
Samegrelo Times • სამეგრელო თაიმსის მიერ გავრცელებული ინფორმაცია ყალბია. კობა ნაყოფიამ “მითების დეტექტორთან” საუბარში უკრაინაში მისი დასაქმებისა და წასვლის შესახებ ინფორმაცია უარყო. მსგავსი ინფორმაცია არც ღია წყაროებით იძებნება. მეორე ტურის წინ კობა ნაყოფიას წინააღმდეგ აღნიშნული პოსტი სხვადასხვა ჯგუფებში კოორდინირებულად ყალბმა პროფილებმა გაავრცელეს.
“მითების დეტექტორი” კობა ნაყოფიას დაუკავშირდა, პოლიტიკოსმა ინფორმაცია მისი უკრაინაში დასაქმებისა და იქ გადასვლის შესახებ უარყო და მას სრული სიცრუე უწოდა. ნაყოფიამ აღნიშნა ისიც, რომ ის უკრაინაშ ბიზნესს არ ფლობს.
უკრაინის მეტალორგიულ ქარხანაში კობა ნაყოფიას დასაქმების შესახებ ინფორმაცია არც ერთ ღია წყაროში არ იძებნება.
“Samegrelo Times • სამეგრელო თაიმსის შესახებ
ფეისბუქ გვერდი “Samegrelo Times • სამეგრელო თაიმსი” ადგილობრივი არჩევნების წინ 2021 წლის 13 აგვისტოს შეიქმნა. ის ერთ-ერთია რეგიონული მედიის სახელით მოქმედ იმ ფეისბუქ გვერდებს შორის, რომლებიც არჩევნების წინ ოპოზიციის მადისკრედიტირებელ და ხელისუფლების მხარდამჭერ პოსტებს აქვეყნებდა. ასევე სახელისუფლებო მედიების – PostTV-ის და “იმედის” ოპოზიციის მადისკრედტირებელ პოსტებს აზირებდა.
ვრცლად 2021 წლის ადგილობრივი არჩევნების პირველი ტურის წინ “Samegrelo Times • სამეგრელო თაიმსის” მიერ მიკერძოებულ გაშუქებაზე იხილეთ “მითების დეტექტორის” მასალა:
- რეგიონული მედიის სახელით მოქმედი და პარტიების მხარდამჭერი ფეისბუკ ანგარიშები
პოსტის გავრცელება
კობა ნაყოფიას შესახებ აღნიშნული პოსტი რამდენიმე საჯარო ფეისბუქ ჯგუფში 13-ჯერ გაზიარდა.
ფეისბუკ პოსტები ჯგუფებში კოორდინირებულად სავარაუდოდ ყალბმა ანგარიშებმა გააზიარეს, რომელთაც url მისამართში სხვა ადამიანების ვინაობა აქვთ მითითებული:
ანგარიში |
URL მისამართი |
ჯგუფები |
chkaduani123 |
წინ საქარათველო უკეთესი მომავლისაკენ !!!, არა კოვიდფაშიზმს!, ირაკლი ღარიბაშვილის მხარდამჭერები, გიორგი გახარიას მხარდამჭერები, სასწავლო პროექტები, რესურსები, მატრიცები. |
|
gvanca.todua |
მოქალაქე, გიორგი გახარიას მხარდამჭერები, ირაკლი ღარიბაშვილის მხარდამჭერები |
|
gela.gulua |
||
giorgi.mosia |
||
mariam.fagava |
სტატია Facebook-ის ფაქტების გადამოწმების პროგრამის ფარგლებში მომზადდა. მასალებზე, რომელიც ამ სტატიის საფუძველზე Facebook-მა შესაძლოა, სხვადასხვა შეზღუდვა აამოქმედოს. შესაბამისი ინფორმაცია იხილეთ ამ ბმულზე. ჩვენი შეფასების გასაჩივრების და შესწორების შესახებ ინფორმაცია ხელმისაწვდომია ამ ბმულზე.
იხ. მასალის შესწორების დეტალური ინსტრუქცია.
იხ. გასაჩივრების დეტალური ინსტრუქცია.