მალტის თუ წმინდა გიორგის ორდენი?

კითხვის დრო: 2 წუთი

კითხვის დრო: 2 წუთი

121
VIEWS

4 იანვარს ფეისბუქ მომხმარებელმა Lasha Modebadze ქართველი დიპლომატისა და პუბლიცისტის გელა ჩარკვიანის ფოტო გამოაქვეყნა. ფოტოზე ისრით გელა ჩარკვიანის ყელზე ჩამოკიდებულ ორდენზეა მიმართული. პოსტის აღწერაში ერთადერთი სიტყვა “მალტა” წერია. კომენტარებში Lasha Modebadze ადასტურებს, რომ გელა ჩარკვიანი მალტის ორდენის წევრი იყო.
"
მტკიცება იმის შესახებ, რომ გამოქვეყნებული ფოტო გელა ჩარკვიანის მალტის ორდენოსნობას ადასტურებს, ყალბია. რეალურად, ფოტოზე გელა ჩარკვიანს საქართველოს ერთ-ერთი ეროვნული ჯილდო, წმინდა გიორგის სახელობის გამარჯვების ორდენი უკეთია.  

დიპლომატი და მწერალი გელა ჩარკვიანი რამდენიმე ჯილდოსა და ორდენის მფლობელი იყო, მათ შორის ღირსების,  ბრწყინვალების საპრეზიდენტო და წმინდა გიორგის სახელობის გამარჯვების ორდენების. Lasha Modebadze-ს გამოქვეყნებულ ფოტოზე ჩარკვიანი სწორედ წმინდა გიორგის სახელობის გამარჯვების ორდენითაა გამოსახული.

"
                                                             ფოტო: ჰერალდიკის სახელმწიფო საბჭო
აღნიშნული ორდენი  საქართველოსთვის მოპოვებულ გამარჯვებებში შეტანილი განსაკუთრებული წვლილისთვის 2004 წლიდან გაიცემა. მისი პირველი მფლობელი აშშ-ს 43-ე პრეზიდენტი ჯორჯ ბუში უმცროსი 2005 წელს თბილისში სტუმრობისას გახდა. წმინდა გიორგის სახელობის გამარჯვების ორდენი გელა ჩარკვიანს 2013 წელს გადაეცა.  ამ ორდენით 2005-2015 წლებში ჯამში 100 ადამიანი დაჯილდოვდა, მათ შორის ჯონ მაკკეინი, ჯო ბაიდენი, ზურაბ ნოღაიდელი, ვალდას ადამკუსი, ლეხ კაჩინსკი, ვაცლავ ჰაველი, ნიკოლა სარკოზი, დავით ახალაია,  ალექსანდრე ლომაია, ილჰამ ალიევი, ზურაბ ჟვანია, დავით სერგეენკო და სხვები.

"
ფოტოზე: ჯო ბაიდენი წმინდა გიორგის სახელობის გამარჯვების ორდენით, თბილისი 2019 წელი

რაც შეეხება მალტის ორდენს, მალტის სუვერენული ორდენი დასავლური და ქრისტიანული ცივილიზაციის ერთ-ერთი უძველესი ინსტიტუტია, მას დიპლომატიური ურთიერთობა 100-ზე მეტ სახელმწიფოსთან და ევროკავშირთან აქვს, ასევე გაეროში მუდმივი დამკვირვებლის სტატუსით სარგებლობს. მალტის ორდენი ძირითადად საქველმოქმედო საქმიანობას ეწევა. ღია წყაროებში არ იძებნება ინფორმაცია იმის შესახებ, რომ გელა ჩარკვიანი მალტის ორდენის წევრი ან ორდენის რომელიმე ჯილდოს მფლობელი იყო.

კონსპირაციული მტკიცებები მალტის ორდენის, მასონების და სხვადასხვა უცხოელი თუ ქართველი პოლიტიკოსის მათთან კავშირის შესახებ “მითების დეტექტრორმა” ადრეც გადაამოწმა, ვრცლად იხილეთ მასალა:


სტატია Facebook-ის ფაქტების გადამოწმების პროგრამის ფარგლებში მომზადდა.  მასალებზე, რომელიც ამ სტატიის საფუძველზე Facebook-მა შესაძლოა, სხვადასხვა შეზღუდვა აამოქმედოს. შესაბამისი ინფორმაცია იხილეთ ამ ბმულზე. ჩვენი შეფასების გასაჩივრების და შესწორების შესახებ ინფორმაცია ხელმისაწვდომია ამ ბმულზე.

იხ. მასალის შესწორების დეტალური ინსტრუქცია.
იხ. გასაჩივრების დეტალური ინსტრუქცია.

თემატიკა: სხვა
დარღვევის ტიპი: დეზინფორმაცია
ქვეყანა/ორგანიზაცია: მალტა
წყარო
ასევე დაგაინტერესებს

ბოლო სიახლეები

Welcome Back!

Login to your account below

Retrieve your password

Please enter your username or email address to reset your password.

Add New Playlist