კონსერვატიული მოძრაობის მხარდამჭერების ჰომოფობიური კამპანია ტარიელ ნაკაიძის წინააღმდეგ

კითხვის დრო: 2 წუთი

კითხვის დრო: 2 წუთი

346
VIEWS

19 მაისს პრორუსული პარტია “კონსერვატიული მოძრაობის” მხარდამჭერი ფეისბუქ გვერდები და ანგარიშები საქართველოს პარლამენტის წევრისა და ორგანიზაცია “ქართველ მუსლიმთა კავშირის” ყოფილი თავჯდომარის ტარიელ ნაკაიძის საწინააღმდეგო ჰომოფობიური შინაარსის პოსტებს აქტიურდ ავრცელებდნენ. 

კამპანიის ფარგლებში:

  • ფართოდ ვრცელდება ნაკაიძის პროგრამულად დამუშავებული ფოტო;
  • გამოვლინდა “კონსერვატიული მოძრაობის” მხარდამჭერი 9 ფეისბუქ გვერდი და ანგარიში, რომლებიც ნაკაიძის დისკრედიტასციას ცდილობენ.
  • ტარიელ ნაკაიძის პროგრამულად დამუშავებული ფოტო აქტიურად ვრცელდება

19 მაისს  ფეისბუქ ანგარიშზე “ორკული მიმები” ნაკაიძის ფოტო, სადაც მას ცისარტყელის ფერებში გაფორმებული პირბადე უკეთია შემდეგი წარწერით გამოქვეყნდა: “როცა ხალხს მუსლიმთა უფლებების დამცველი ჰგონიხარ და ამ დროს პიდარასტების კაცი ხარ – ტარიელ გეი-ნაკაიძე.” “ორკულმა მიმებმა” ფოტოს კიდევ ერთი ვერსია გამოაქვეყნეს, სადაც ნაკაიძის ფონზე “თბილისი პრაიდის” წარმომადგენლები დგანან. “ორკული მიმების” ფოტო მოგვიანებით ფეისბუქ ანგარიშმა “კონსერვატორი ქობულეთი” გამოაქვეყნა. აღწერის ავტორი “მუსლიმ ძმებს” მიმართავს და ამბობს, რომ რეალობა ესაა და “ეს ხალხი არიან ვინც საქართველოში ცდილობენ, რომ დათესონ შუბლი და დაძაბონ ძმებს შორის მრავალ საუკუნოვანი ურთიერთობა… ” ტექსტის ავტორად ილია ბენიძეა მითითებული.

ტარიელ ნაკაიძის გავრცელებული ფოტო პროგრამულადაა დამუშავებული. რეალურად, გამოყენებულ ფოტოში ნაკაიძეს უკრაინისა და საქართველის დროშების გამოსახულებების მქონე პირბადე უკეთია.

ტარიელ ნაკაიძემ საკუთარ ფეისბუქ გვერდზე გავრცეებული ფოტოს ორიგინალი ვერსია 24 თებერვალს, რუსეთ-უკრაინის ომის დაწყების დღეს გამოაქვეყნა.

ფოტოზე მას საქართველოსა და უკრაინის დროშებია გამოსახულებების მქონე პირბადე უკეთია. ნაკაიძემ იგივე ფოტო კიდევ ორჯერ, მათ შორის ერთხელ პროფილის ფოტოს სახითაც, გამოაქვეყნა.

  • კონსერვატიული მოძრაობის მხარდაჭერი რეგიონული გვერდები ტარიელ ნაკაიძის წინააღმდეგ

აღსანიშნავია, რომ ჰომოფობიური შინაარსის პოსტებითა და დამუშავებული ფოტოთი ტარიელ ნაკაიძის დისკრედიტაციას კონსერვატიული მოძრაობის სხვა რეგიონული გვერდები და ანგარიშები კოორდინირებულად ცდილობენ.

“მითების დეტექტორმა” დისკრედიტაციის კამპანიაში ჩართული 9 გვერდი და ანგარიში გამოავლინა, ესენია: კონსერავიული მოძრაობა ხელვაჩაური, კონსერვატიული აჭარა, კონსერვატიული მოძრაობა ბათუმი, კონსერვატიული მოძრაობა წალენჯიხაში, კონსერვატიული მოძრაობა ჯვარში, კონსერვატიული მოძრაობა, კონსერვატიული მოძრაობა საგარეჯო, ორკული მიმები, კონსერვატიული ქობულეთი.

კონსერვატიული მოძრაობის მხარდამჭერი ეს გვერდები და ანგარიშები ნაკაიძის დისკრედიტაციის მიზნით “ორკული მიმების” მიერ შექმნილ კიდევ ერთ  ფოტოს იყენებენ, სადაც პარლამენტარი კლოუნსაა მიმსგავსებული. გავრცელებულ პოსტებში ასევე ხშირად გამოიყენება ფოტო, სადაც ნაკაიძე ქვიარ აქტივისტებთან ერთად შეხვედრაზე იმყოფება, რის გამოც მას “ქვეყნის მოღალატეს” უწოდებენ, რადგან “ლგპდ ანუ პრაიდის აღლუმს პროპაგანდას” ეწევა და ამით მუსლიმებსა და მართლმადიდებლებს შეურაცხყოფას აყენებს. 


სტატია Facebook-ის ფაქტების გადამოწმების პროგრამის ფარგლებში მომზადდა.  მასალებზე, რომელიც ამ სტატიის საფუძველზე Facebook-მა შესაძლოა, სხვადასხვა შეზღუდვა აამოქმედოს. შესაბამისი ინფორმაცია იხილეთ ამ ბმულზე. ჩვენი შეფასების გასაჩივრების და შესწორების შესახებ ინფორმაცია ხელმისაწვდომია ამ ბმულზე.

იხ. მასალის შესწორების დეტალური ინსტრუქცია.
იხ. გასაჩივრების დეტალური ინსტრუქცია.

თემატიკა: იდენტობა
დარღვევის ტიპი: ვიზუალური მანიპულაცია
ქვეყანა/ორგანიზაცია: საქართველო
წყარო
ასევე დაგაინტერესებს

ბოლო სიახლეები

Welcome Back!

Login to your account below

Retrieve your password

Please enter your username or email address to reset your password.

Add New Playlist