22 აგვისტოს ფეისბუქ-ჯგუფში ნახალოვკა და ნახალოვკელები უფლებადამცველ ბაია პატარაიას ფოტო გამოაქვეყნეს, რომელზეც შემდეგი ციტატაა დატანილი: “მეტროსადგურ ნაძალადევს გადაერქვას სახელი და დაერქვას სადგური ნებაყოფლობითი”.
იდენტური ფოტო და ციტატა 2019 და 2020 წლებშიც გავრცელდა.
ბაია პატარაიას სახელით გავრცელებული ციტატა, რომელშიც ის მეტროსადგურ “ნაძალადევის” “ნებყოფლობითად” გადაკეთებას ითხოვს, გაყალბებულია. ციტატა ჯერ კიდევ 2019 წელს გავრცელდა, ის ღია წყაროებში არ იძებნება და პატარაიამ მისი ნამდვილობა თვითონვე უარყო.
ინფორმაცია, თითქოს ბაია პატარაიას მეტროსადგურ ნაძალადევისთვის სახელის გადარქმევა და “ნებაყოფლობითით” შეცვლა უნდა, სიმართლეს არ შეესაბამება. ციტატა, სავარაუდოდ, სატირულია, თუმცა პოსტის გამოხმაურებიდან ჩანს, რომ ის რეალურ განცხადებად ვრცელდება.
ნაძალადევის შესახებ პატარაიას გაყალბებული ციტატა 2020 და 2019 წლებშიც ვრცელდებოდა. 2019 წლის აგვისტოში პატარაიამ ციტატის ნამდვილობა ფეისბუქ-პოსტშიც უარყო.
აღსანიშნავია, რომ კომენტარების ველში პატარაიას მისამართით აგრესიული კომენტარებია განთავსებული:
პატარაიას სახელით გაყალბებულ და სატირულ ციტატებს ხშირად ავრცელებენ, რომლებიც ძირითადად პატარაიას საქმიანობას უკავშირდება, მათ შორისაა ძალადობის, ქალებისა და გენდერის თემატიკა. ვრცლად იხილეთ “მითების დეტექტორის” მიერ მომზადებული მასალებში:
- ყურება თუ კონტროლი ? – ბაია პატარიას მორიგი ყალბი ციტატა ვრცლდება
- ითხოვს თუ არა ბაია პატარაია ბიჭების რაოდენობის შესამცირებელ და გოგონების შობადობის წამახალისებელ რეგულაციებს?
- პოსტი, რომელიც ამტკიცებს, რომ ბაია პატარაიას სიზმარში ჩადენილი გაუპატიურების დასჯას ითხოვს, სატირულია
- “კოგარაში ურიე” და Liberastuli seni ჟურნალისტების ციტატებს აყალბებენ
- “ლურჯი საბჭოთა კავშირი” ბაია პატარაიას პოსტს აყალბებს
- Pressტიტუციამ ქალი აქტივისტების ფეისბუკ პოსტები გააყალბა
- ციტატა, თითქოს პატარაიას სურს, ბავშვები კაცებმაც გააჩინონ, სატირულია
სტატია Facebook-ის ფაქტების გადამოწმების პროგრამის ფარგლებში მომზადდა. მასალებზე, რომელიც ამ სტატიის საფუძველზე Facebook-მა შესაძლოა, სხვადასხვა შეზღუდვა აამოქმედოს. შესაბამისი ინფორმაცია იხილეთ ამ ბმულზე. ჩვენი შეფასების გასაჩივრების და შესწორების შესახებ ინფორმაცია ხელმისაწვდომია ამ ბმულზე.
იხ. მასალის შესწორების დეტალური ინსტრუქცია.
იხ. გასაჩივრების დეტალური ინსტრუქცია.