polygraph.info-ს მასალის მიხედვით
სწორი ტესტირება კორონავირუსთან ბრძოლის მნიშვნელოვანი ნაწილია. ირანი იმ ქვეყნებს შორისაა, რომლებიც ეპიდემიით ყველაზე მეტად დაზარალდნენ. თუმცა ირანის რევოლუციური გვარდიის მიერ წარდგენილმა გამოსავალმა შეიძლება, არსებული მდგომარეობა უფრო გააუარესოს.
15 აპრილს ისლამური რევოლუციის გუშაგთა კორპუსის პრეს-სპიკერმა ირანის ხელთ არსებული ახალი ხელსაწყოს შესახებ განაცხადა, რომელსაც კორონავირუსის დადგენა რეალურ დროში შეუძლია.
ხელსაწყოს წარდგენის ცერემონიას თეირანში გენერალი ჰოსეინ სალამი დაესწრო. გენერალმა დამსწრეებს აუხსნა, რომ ხელსაწყო მაგნიტური ველის დახმარებით აპარატში ჩაშენებულ ანტენას დაინფიცირებული ადამიანისკენ მიმართავს.
ფოტო: Twitter
პრეს-სპიკერი ირწმუნება, რომ აპარატი მომენტალურად ადგენს ვირუსს 70-დან 80% სიზუსტით და მან ათდღიანი ტესტირება, სულ მცირე, 10 საავამდყოფოში გაირა.
So, Iran’s Revolutionary Guards unvelied a “magnetic” coronavirus detector today, which its chief Maj-Gen Hossein Salami claimed could detect an infected individual or contaminated surface in 5 secs within a diametre of 100m. But there’s a HUGE problem…pic.twitter.com/hTKrVK8oIN
— Shayan Sardarizadeh (@Shayan86) April 15, 2020
ამ ინფორმაციის გამოქვეყნებას სოციალურ ქსელში არაერთი სარკასტული პოსტი მოჰყვა. აპარატი ბრიტანელი თაღლითების მიერ გაყიდულ ასაფეთქებლების ყალბ დეტექტორს შეადარეს, რომელმაც 6 წლის წინ ერაყსა და დიდ ბრიტანეთში სკანდალი გამოიწვია. ეს ხელსაწყოც ანტენის მეშვეობით “ადგენდა” ბომბის ადგილსამყოფელს.
ჯოხით და სხვა ხელსაწყოებით ნივთიერებების, მათ შორის, წყლის მოძიების პრაქტიკა შუა საუკუნეებიდან იღებს სათავეს და მას ფსევდომეცნიერებად მოიხსენიებენ. თუ ძველ დროში ამ მიზნისათვის ხის ტოტს იყენებდნენ, დღეს ქანქარას ან გრძელ ანტენებს იყენებენ. თუ ანტენა მოძრაობს, ეს ნიშნავს, რომ ნივთიერება ახლოსაა. (https://househummus.com/)
