22 აგვისტოს ფეისბუქ-გვერდზე ევროპა და ფეისბუქ-ჯგუფში “აფხაზთა კრება” გაზეთ “ახალი თაობის” ვებ-საიტზე 2020 წელს გამოქვეყნებული სტატია გააზიარეს. სტატიაში აღნიშნულია, რომ კრემლის პროპაგანდისტული მედიის RT-ს რედაქტორს მარგარიტა სიმონიანს სომხეთის პატრიარქმა ეროვნება ჩამოართვა და მისი პორტრეტი არაქსში გადააგდო. სტატიაში ასევე წერია, რომ გარეგინ მეორემ სიმონიანს ღმერთისთვის სომხურ ენაზე მიმართვა და მთელი მსოფლიოს მასშტაბით სომხურ სამოციქულო ეკლესიაში შესვლა აუკრძალა.
22 აგვისტოს იდენტური სტატია ვებ-საიტ pirvelinews.com-ზეც გამოქვეყნდა.
ინფორმაცია, თითქოს სომხეთის პატრიარქმა მარგარიტა სიმონიანს ეროვნება ჩამოართვა და მისი პორტრეტი მდინარე არაქსში გადააგდო, სათავეს რუსული სატირული გამოცემა panorama.pub-დან იღებს და გამოგონილი ამბავია.
კრემლის სახელმწიფო მედია RT-ის (Russia Today) მთავარ რედაქტორ მარგარიტა სიმონიანთან დაკავშირებული გამოგონილი ამბავი “ახალი თაობის” ვებ-გვერდზე 2020 წლის ივლისშია გამოქვეყნებული, თუმცა არსადაა მითითებული, რომ ინფორმაციის პირველწყარო სატირული გამოცემაა.
აღნიშნული სტატია სატირული გამოცემის – panorama-pub-ის ვებ-გვერდზე 2020 წლის 21 ივლისს გამოქვეყნდა. სტატიის მიხედვით, სიმონიანისთვის ეროვნების ჩამორთმევის მიზეზი მისი მხრიდან სომხეთის ხელისუფლების კრიტიკა გახდა.
panorama-pub-მა 2 დღით ადრე გამოქვეყნა სტატია, რომელშიც აღნიშნული იყო, რომ მარგარიტა სიმონიანს აზერბაიჯანელმა დეპუტატებმა აზერბაიჯანის მოქალაქეობა და ქალაქ სუმგაითის საპატიო რეზიდენტობა შესთავაზეს.
ვებ-გვერდზე გამოქვეყნებულია გაფრთხილება, რომ მასზე განთავსებული ამბები რეალური სიახლეები არ არის და “რეალობის გროტესკული პაროდიაა”. გარდა ამისა, საიტის ლოგოზეც აღნიშნულია, რომ გამოცემა სატირული შინაარსისაა.
Panorama-ს მიერ გამოგონილი სატირლი ინფორმაციები რეალური ფაქტების სახით აქამდეც არაერთხელ გავრცელებულა, ვრცლად იხილეთ “მითების დეტექტორის” მასალები:
- აუქმებს თუ არა ოქსფორდის უნივერსიტეტი რუსი მაღალჩინოსნების შვილების დიპლომებს?
- ვინ დაუწესა ბაიდენს სანქციები – საუდის არაბეთის პრინცმა თუ PANORAMA.PUB-მა?
- სატირულმა გამოცემამ დუგინი რუსეთის 1 არხის დირექტორად დააწინაურა
- მიითვისა თუ არა ხინკალი რუსეთის რესტორნების კავშირმა?
- დაუნიშნა თუ არა ლატვიამ დახმარება ყოფილ პიონერებს?
- ეკუთვნის თუ არა კისინჯერს სიტყვები: “ჩვენ გვქონდა მხოლოდ სექსი, მათ კი (საბჭოთა ადამიანებს) ჰქონდათ სიყვარული”?
- დაიხრჩო თუ არა ჯანმოს მაღალჩინოსანი ბროკოლით?
- დაუდგა თუ არა კიმ ჩენ ინმა სტალინს ჩრდილოეთ კორეაში ძეგლი?
- კისინჯერის ინტერვიუ სსრკ-ზე ყალბია და პროგრესნიუსმა რუსულ სატირულ გამოცემაზე დაყრდნობით გაავრცელა
- როგორ იქცა რუსული “სატირა” საქინფორმის დეზინფორმაციად?
სტატია Facebook-ის ფაქტების გადამოწმების პროგრამის ფარგლებში მომზადდა. მასალებზე, რომელიც ამ სტატიის საფუძველზე Facebook-მა შესაძლოა, სხვადასხვა შეზღუდვა აამოქმედოს. შესაბამისი ინფორმაცია იხილეთ ამ ბმულზე. ჩვენი შეფასების გასაჩივრების და შესწორების შესახებ ინფორმაცია ხელმისაწვდომია ამ ბმულზე.
იხ. მასალის შესწორების დეტალური ინსტრუქცია.
იხ. გასაჩივრების დეტალური ინსტრუქცია.
