6-7 ივნისს სოციალურ ქსელში გავრცელდა რუსულენოვანი ფეისბუქ პოსტები (1, 2, 3, 4, 5), რომლის მიხედვითაც, პენტაგონი საწყობის თანამშრომელ მეთიუ კოვალჩუკს დასჯის, რომლის შეცდომის გამოც ბელგიაში მდებარე Kleine Brogel-ის ამერიკული საჰაერო ბაზიდან უკრაინას 9 მილიონის ღირებულების ორი ტაქტიკური ბირთვული რაკეტა გაეგზავნა.
ინფორმაცია, თითქოს პენტაგონი მეთიუ კოვალჩუკს უკრაინისთვის შეცდომით გაგზავნილი ბირთვული რაკეტების გამო დასჯის, რუსულ სატირულ ვებ-გვერდს panorama.pub-ს ეკუთვნის და გამოგონილი ამბავია.
ბელგიაში მდებარე ამერიკულ საჰაერო ბაზაზე საწყობის თანამშრომელ მეთიუ კოვალჩუკის შესახებ გამოგონილი სტატია რუსულენოვან სატირულ გამოცემა panorama.pub-ზე 6 ივნისს გამოქვეყნდა. აღსანიშნავია, რომ ზოგიერთ ფეისბუქ მომხმარებელს პოსტის ბოლოს მითითებული აქვს, რომ ინფორმაციის წყარო პანორამაა, თუმცა პოსტებს თან არ ერთვის სტატიის ბმული და არც ისაა აღნიშნული, რომ ინფორმაცია სატირულია.
სატირულ სტატიის მიხედვით, რომ მეთიუ კოვალჩუკმა საქმის მიმართ დაუდევრობა გამოიჩინა, ის 500 დოლარით დააჯარიმეს და ეს გადაცდომა მის პირად საქმეში სამუდამოდ დარჩება.
ვებ-გვერდზე გამოქვეყნებულია გაფრთხილება, რომ მასზე განთავსებული ამბები რეალური სიახლეები არ არის და “რეალობის გროტესკული პაროდიაა”. გარდა ამისა, საიტის ლოგოზეც აღნიშნულია, რომ გამოცემა სატირული შინაარსისაა.
panorama.pub-ის მიერ გამოგონილი სატირული ინფორმაციები რეალური ფაქტების სახით აქამდეც არაერთხელ გავრცელებულა, ვრცლად იხილეთ “მითების დეტექტორის” მასალები:
- სატირულმა გამოცემამ დუგინი რუსეთის 1 არხის დირექტორად დააწინაურა
- მიითვისა თუ არა ხინკალი რუსეთის რესტორნების კავშირმა?
- დაუნიშნა თუ არა ლატვიამ დახმარება ყოფილ პიონერებს?
- ეკუთვნის თუ არა კისინჯერს სიტყვები: “ჩვენ გვქონდა მხოლოდ სექსი, მათ კი (საბჭოთა ადამიანებს) ჰქონდათ სიყვარული”?
- დაიხრჩო თუ არა ჯანმოს მაღალჩინოსანი ბროკოლით?
- დაუდგა თუ არა კიმ ჩენ ინმა სტალინს ჩრდილოეთ კორეაში ძეგლი?
- კისინჯერის ინტერვიუ სსრკ-ზე ყალბია და პროგრესნიუსმა რუსულ სატირულ გამოცემაზე დაყრდნობით გაავრცელა
- როგორ იქცა რუსული “სატირა” საქინფორმის დეზინფორმაციად?
სტატია Facebook-ის ფაქტების გადამოწმების პროგრამის ფარგლებში მომზადდა. მასალებზე, რომელიც ამ სტატიის საფუძველზე Facebook-მა შესაძლოა, სხვადასხვა შეზღუდვა აამოქმედოს. შესაბამისი ინფორმაცია იხილეთ ამ ბმულზე. ჩვენი შეფასების გასაჩივრების და შესწორების შესახებ ინფორმაცია ხელმისაწვდომია ამ ბმულზე.
იხ. მასალის შესწორების დეტალური ინსტრუქცია.
იხ. გასაჩივრების დეტალური ინსტრუქცია.
