6 ნოემბერს ფეისბუკ გვერდმა “ძალა სიმართლეშია” ტელეკომპანია “პირველის” ლოგოს გამოსახულებით ფოტო გამოაქვეყნა. ფოტოზე თანდართული წარწერის თანახმად, ელენე ხოშტარიას შემდეგ შიმშილობის აქტს ევროპარლამენტარებიც უერთდებიან: “მე არ ვიქნები პირველი და უკანასკნელი ევროპარლამენტიდან” განაცხადა ქალბატონმა კუნი ლინგუსმა”.
“ძალა სიმართლეშიას” მიერ გამოქვეყნებული სქრინი ყალბია, ფოტოზე კი არა ევროპარლამენტარი, არამედ კანადელი პოლიტიკოსი მიშელ რემპელ გარნერია გამოსახული.
ტელეკომპანია “პირველის” ფეისბუკ გვერდზე იდენტური ან მსგავსი შინაარსის შემცველი პოსტი არ იძებნება. რაც შეეხება “ძალა სიმართლეშიას” მიერ გავრცელებულ ფოტოს, მასზე არა ევროპარლამენტარი კუნი ლინგუსი, არამედ კანადის პარლამენტის წევრი, მიშელ რემპელ გარნერია გამოსახული.
კონსერვატიული პარტიის დეპუტატი მიშელ რემპელ გარნერი 2020 წლის 12 აგვისტოს კანადის პარლამენტში.
ფოტო: ადრიან უაილდი
აღსანიშნავია, რომ “ძალა სიმართლეშიას” პოსტს ყალბი ანგარიშები – მალხაზი გოგოხია და კატო ბარბაქაძე აზიარებენ. ბარბაქაძე Vkontakte.ru-ს მომხმარებლის Светлана Артемчик-ს, ხოლო მალხაზ გოგოხია Виталий Минин-ის იდენტობას იპარავს. პოსტს ისინი სხვადასხვა ფეისბუკ ჯგუფში აზიარებდნენ: ვახას მეგობრები, მიშა პრემიერად, ირაკლი ოქრუაშვილის მხარდამჭერთა ჯგუფი, მე არ მინდა რუსი ივანაშვილის საქართველო, 🇬🇪ერთიანი ნაციონალური მოძრაობა🇬🇪, Mikheil Saakashvili’s Supporters სად წაიყვან სადაურსა. ეს ანგარიშები “ძალა სიმართლეშიას” მიერ გამოქვეყნებულ პოსტებს ადრეც ავრცელებდნენ.
წყაროს შესახებ
“ძალა სიმართლეშია” “ქართული ოცნების” ოპონენტების საწინააღმდეგოდ შექმნილი გვერდია, რომელმაც ოქტომბრის თვეში ხუთი ყალბი ინფორმაცია, მათ შორის “ტვ პირველის” ლოგოს გამოსახულებით გაყალბებული სქრინები გამოაქვეყნა. გვერდზე გამოქვეყნებულ პოსტებს ყალბი ანგარიშები სხვადასხვა საჯარო ჯგუფში ავრცელებენ.
Ipsos-ის სახელით გაყალბებული კვლევა ვრცელდება
ეკა ხერხეულიძის სახელით “ძალა სიმართლეშია” გაყალბებულ ციტატას აქვეყნებს
“ძალა სიმართლეშია” და NewsWall.ge Edison Research-ის სახელით ყალბ კვლევას ავრცელებენ
ტვ “პირველის” სახელით ნიკა მელიას გაყალბებული ციტატა ვრცელდება
ტვ პირველის სახელით სააკაშვილზე მორიგი ყალბი სქრინი ვრცელდება
სტატია Facebook-ის ფაქტების გადამოწმების პროგრამის ფარგლებში მომზადდა. მასალებზე, რომელიც ამ სტატიის საფუძველზე Facebook-მა შესაძლოა, სხვადასხვა შეზღუდვა აამოქმედოს. შესაბამისი ინფორმაცია იხილეთ ამ ბმულზე. ჩვენი შეფასების გასაჩივრების და შესწორების შესახებ ინფორმაცია ხელმისაწვდომია ამ ბმულზე.
იხ. მასალის შესწორების დეტალური ინსტრუქცია.
იხ. გასაჩივრების დეტალური ინსტრუქცია.
