13 მარტს ფეისბუქ მომხმარებელმა ოთარ დანელიამ ორი ვიდეო შემდეგი წარწერით გამოაქვეყნა: “ასე იქცევიან უკრაინელი ლტოლვილები პოლონეთში.” ვიდეოებში ახალგაზრდა მამაკაცები სუპერმარკეტში იმყოფებიან, უკრაინულ ენაზე ხმამაღლა საუბრობენ და იგინებიან.
ვიდეო ყალბი აღწერით ვრცელდება. რეალურად, ვიდეო რუსეთ-უკრაინის ომამდე რამდენიმე თვით ადრეა გადაღებული. ომის მიმდინარეობისას ვიდეოს გაყალბებული აღწერით გამოქვეყნება უკრაინელი ლტოლვილების დისკრედიტაციას ისახავს მიზნად.
ვიდეო ფაქტების გადამოწმების პოლონურმა პლატფორმა Demagog-მა გადაამოწმა. გამოცემის მიხედვით, ვიდეო რუსეთ-უკრაინის ომამდე რამდენიმე თვით ადრეა გადაღებული და შესაბამისად, კადრებში ომის დროს ლტოლვილად ქცეული უკრაინელები ასახულნი არ არიან.
ვიდეო პოლონეთშია გადაღებული და ის ინტერნეტში 2021 წლის ივნისში გამოქვეყნდა.
Demagog-ის ინფორმაციით, ერთ-ერთი ვიდეოჩანაწერის მეტამონაცემები აჩვენებდა, რომ ვიდეო ნამდვილად 2021 წლის ივნისში მოდიფიცირდა.
ვიდეო რუსულენოვან ფეისბუქ მომხმარებლებს შორის ფართოდ იყო გავრცელებული. ვიდეო არასწორი აღწერით გამოქვეყნებული იყო როგორც Youtube-ზე, ასევე Tik-Tok-სა და ინსტაგრამზე.
სტატია Facebook-ის ფაქტების გადამოწმების პროგრამის ფარგლებში მომზადდა. მასალებზე, რომელიც ამ სტატიის საფუძველზე Facebook-მა შესაძლოა, სხვადასხვა შეზღუდვა აამოქმედოს. შესაბამისი ინფორმაცია იხილეთ ამ ბმულზე. ჩვენი შეფასების გასაჩივრების და შესწორების შესახებ ინფორმაცია ხელმისაწვდომია ამ ბმულზე.
იხ. მასალის შესწორების დეტალური ინსტრუქცია.
იხ. გასაჩივრების დეტალური ინსტრუქცია.