7 სექტემბერს ფეისბუქ-მომხმარებელმა Tata Martiashvili უფლებადამცველ ბაია პატარაიას სახელით პოსტის სქრინშოტი გამოაქვეყნა, რომლის მიხედვითაც პატარაია საქართველოს ეროვნული ნაკრების ფეხბურთელებს ჩეხეთთან თამაშისას გატანილი 4 გოლის გამო “გაუმაძღარ პირუტყვებს” უწოდებს.
ბაია პატარაიას სახელით გავრცელებული პოსტი, რომლის მიხედვითაც მან საქართველოს ეროვნული ნაკრების ფეხბურთელები ჩეხეთთან თამაშისას გატანილი გოლების გამო პირუტყვებად მოიხსენია, გაყალბებულია. რეალურად, პატარიას ფეისბუქ გვერდზე მსგავსი შინაარსის პოსტი არ იძებნება და შესაძლოა, ის სატირული მიზნით შეიქმნა.
ბაია პატარაიას პოსტის სქრინშოტი, რომელსაც ფეისბუქ-მომხმარებელი Tata Martiashvili ავრცელებს, გაყალბებულია. Საქართველოს ეროვნული ნაკრების ფეხბურთელებზე მსგავსი შინაარსის პოსტი არც ბაია პატარაიას ფეისბუქ გვერდზე და არც პერსონალურ ბლოგზე არ იძებნება. გაყალბებულ სქრინშოტს კომენტარების ველში თავად ბაია პატარაიაც გამოეხმაურა და დაწერა, რომ პოსტი რეალობას არ შეესაბამება და მას მსგავსი რამ არ დაუწერია.
წყაროს შესახებ
ფეისბუქ-ანგარიში Tata Martiashvili, სავარაუდოდ, სატირული შინაარსის ანონიმური გვერდია, რომელსაც ჩვენს შესახებ განყოფილებაში უწერია, რომ სურამის ფსიქიატრული სავანტყოფო #34 მუშაობას, ასევე Corruption Checker–ის თანამშორმელია. პირველი გვერდი 6 სექტემბერს არის შექმნილი, მეორე კი 19 მაისს.
გარდა ამისა, Tata Martiashvili-ს აქამდეც გამოუქვეყნებია როგორც სატირული, ასევე ყალბი პოსტები.
აღსანიშნავია, რომ ზოგიერთ სატირულ პოსტს ფეისბუქ მომხმარებელი ზოგჯერ რეალურად აღიქვამს და მას წყაროს დისკრედიტაციის მიზნით ავრცელებს. მსგავსი ტენდენცია იკვეთება ბაია პატარაიას მიმართაც, რომლის წინააღმდეგ მისი სახელით გავრცელებული გაყალბებული პოსტები “მითების დეტექტორს” წარსულშიც არაერთხელ გადაუმოწმებია. ვრცლად წაიკითხეთ მასალებში:
- ბაია პატარაიას სახელით მორიგი გაყალბებული პოსტი ვრცელდება
- სწრაფად გამრავლებაზე უფლებადამცველ ბაია პატარაიას სახელით ყალბი ციტატა ვრცელდება
- ბაია პატარაიას და იაგო ხვიჩიას სახელით გაყალბებული პოსტები ვრცელდება
- ყურება თუ კონტროლი? – ბაია პატარაიას მორიგი ყალბი ციტატა ვრცელდება
- ითხოვს თუ არა ბაია პატარაია ბიჭების რაოდენობის შესამცირებელ და გოგონების შობადობის წამახალისებელ რეგულაციებს?
- “ლურჯი საბჭოთა კავშირი” ბაია პატარაიას პოსტს აყალბებს
- ითხოვს თუ არა პატარაია მეტროსადგურ ნაძალადევისთვის სახელის გადარქმევას?
სტატია Facebook-ის ფაქტების გადამოწმების პროგრამის
იხ. მასალის შესწორების დეტალური ინსტრუქცია.
იხ. გასაჩივრების დეტალური ინსტრუქცია.
