21 ივნისს უკრაინულ ჯგუფში Доброго вечора, ми зі Сміли! (Подслушано в Смеле) გავრცელდა ინფორმაცია, რომ ბარ REZZO-ს დასახელებაში Z ასოს არსებობის გამო სახელი შეაცვლევინეს. პოსტს თან ერთვის ორი ფოტო, რომლებიც, პოსტის ავტორის მტკიცებით, დაწესებულების ძველ და ახალ ფასადებს ასახავს.
გავრცელებული მტკიცება, რომ ბარმა და სამზარეულო REZZO-მ დასახელებაში Z ასოს გამო სახელი შეიცვალა, სიმართლეს არ შეესაბამება. პოსტს დართული ფოტოები ორ სხვადასხვა დაწესებულებას – უკრაინაში მდებარე REZZO-ს და რუსეთში მდებარე სილამაზის სალონს – Золотой дождь-ს ასახავს.
გავრცელებული პოსტის მიხედვით, მარცხენა ფოტო დაწესებულების პირვანდელ დასახელებას, ხოლო მარჯვენა შეცვლილ დასახელებას ასახავს. რეალურად, ფოტოებზე ორი სხვადასხვა ქვეყანაში, არსებული შენობაა გამოსახული.
მარცხენა ფოტოზე გამოსახული შენობა ბარი და რესტორანი REZZO-ა, რომელიც უკრაინაში, ქალაქ სმილაში მდებარეობს. როგორც დაწესებულების სოციალური ქსელებიდან ჩანს, მას სახელი და ფასადი არ შეუცვლია.
REZZO-ს გვერდი ფეისბუქზე:
REZZO-ს გვერდი ინსტაგრამზე:
რაც შეეხება მეორე ფოტოს, ის რუსეთში, კიროვის ოლქში მდებარე სილამაზის სალონს – Золотой дождь-ს ასახავს.
სალონის გარე ფასადი მის ოფიციალურ საიტზეც ჩანს:
სტატია Facebook-ის ფაქტების გადამოწმების პროგრამის ფარგლებში მომზადდა. მასალებზე, რომელიც ამ სტატიის საფუძველზე Facebook-მა შესაძლოა, სხვადასხვა შეზღუდვა აამოქმედოს. შესაბამისი ინფორმაცია იხილეთ ამ ბმულზე. ჩვენი შეფასების გასაჩივრების და შესწორების შესახებ ინფორმაცია ხელმისაწვდომია ამ ბმულზე.
იხ. მასალის შესწორების დეტალური ინსტრუქცია.
იხ. გასაჩივრების დეტალური ინსტრუქცია.